پاک بحریہ کے چیف آف دی نیول اسٹاف ایڈمرل ظفر محمود عباسی سے پاکستان میں فرانس کے سفیر مارک بریٹے نے ملاقات کی ہے۔

ترجمان پاک بحریہ کے مطابق فرانس کے سفیر نے نیول ہیڈ کوارٹرز اسلام آباد کا دورہ کیا اورچیف آف دی نیول اسٹاف ایڈمرل ظفر محمود عباسی سے ملاقات کی۔

ملاقات میں باہمی دلچسپی کے امور، خطے کی سیکیورٹی صورتحال اور دوطرفہ بحری تعاون پر تبادلہ خیال کیا گیا جبکہ امیرالبحراور معزز مہمان نے خطے کی سیکیورٹی صورتحال اور دوطرفہ بحری تعاون پر بھی بات چیت کی ۔

واضح رہے کہ اس سے قبل بھی کمانڈر رائل بحرین نیول فورس ریئر ایڈمرل محمد یوسف العاصم نے نیول ہیڈ کوارٹرز اسلام آباد کا دورہ کیا تھا اور پاک بحریہ کے سربراہ امیر البحر ایڈمرل ظفر محمود عباسی سے ملاقات کی تھی۔

ترجمان پاک بحریہ کے مطابق نیول ہیڈکوارٹرز آمد پر ایڈمرل ظفر محمود عباسی نے معزز مہمان کا استقبال کیا۔ معزز مہمان کو روایتی انداز میں گارڈ آ ف آنر پیش کیا گیا اور معزز مہمان کا پرنسپل اسٹاف آفیسرز سے تعارف کرایا گیا تھا۔

پاک بحریہ کے سربراہ سے امریکی سفیر کی ملاقات

ملاقات کے دوران باہمی دلچسپی کے امور بشمول دونوں ملکوں کی بحری افواج کے مابین تعاون کو مزید فروغ دینے پر تبادلہ خیال کیا گیا تھا۔

سربراہ پاک بحریہ نے خطے میں سمندری سلامتی اور امن کو یقینی بنانےاور دہشت گردی کے خلاف جنگ میں پاکستان کے کردار پر روشنی ڈالی بعدازاں معزز مہمان کو بریفنگ دی گئی اور مقبوضہ کشمیر میں جاری بھارتی جارحیت پر پاکستانی موقف سے آگاہ کیا گیا تھا۔

معزز مہمان نے خطے میں بحری سیکیورٹی اور استحکام کے حوالے سے پاکستان بحریہ کی کاوشوں کو سراہا جبکہ کمانڈر رائل بحرین نیول فورس کے دورے سے دونوں ممالک بالخصوص بحری افواج کے مابین دوطرفہ تعاون کو مزید فروغ ملے گا۔