لاپتہ افرادکی بازیابی حکومت کی ذمہ داری ہے
وزیر انسانی حقوق ڈاکٹرشیری مزاری نے جیلوں کی حالت زار سے متعلق رپورٹ پیش کردی۔
تفصیلات کے مطابق اسلام آباد میں میڈیا سے بات چیت کرتے ہوئے وزیر انسانی حقوق کا کہنا تھا کہ حکومت بھی قیدیوں سے متعلق معاملات کودیکھ رہی ہے۔
انہوں نے کہاکہ زیرٹرائل قیدیوں کے مسئلے کا حل ضروری ہے، جیل میں خواجہ سراوں کیلئے بھی الگ سیل بنانے کا پلان ہے۔ عدالت نے کمیٹی بنائی تھی اب فیصلہ بھی دینا چاہیئے۔
شیریں مزاری کا لاپتہ افراد کی بازیابی سے متعلق کہناتھا کہ مسنگ پرسنز کی بازیابی حکومت کی ذمہ داری ہے.
اس سے قبل سینیٹ میں شیریں مزاری نے خواتین کے حقوق سے متعلق
تحریک پیش کی تھی جس پر سینیٹ ارکان نے بحث کی۔
خواتین سے متعلق تحریک پر بحث کرتے ہوئے سینیٹر ولید اقبال نے کہا کہ اب بھی ایک کروڑ سے زائد خواتین کے شناختی کارڈ نہیں بن سکے ، لاکھوں خواتین شناختی کارڈ بننے کے باوجود اپنا قانونی اور آئینی حق استعمال کرنے سے قاصر ہیں۔
ہمیں خواتین کے حقوق سے غافل نہیں رہنا چاہئے‘ سینیٹر نزہت صادق نے کہا کہ خواتین کی آزادی ضرور ہونی چاہئے جو قرآن و سنت نے انہیں تفویض کی ہے۔
سینیٹر مشتاق احمد نے کہا کہ خواتین کے حقوق کا تحفظ یقینی بنانے کیلئے علما کا انتہائی اہم کردار ہے، خواتین کے وراثت‘ حق مہر اور مرضی کی شادی کے حوالے سے مسائل حل کرنیکی ضرورت ہے، خواتین و بچوں پر تشدد کے ذمہ داروں کو کڑی سزا ملنی چاہئے۔
سینیٹر شیری رحمٰن نے کہا کہ غیرت کے نام پر قتل کو کسی صورت برداشت نہیں کیا جاسکتا، خواتین کے حقوق اور انہیں بااختیار بنانے کیلئے ہر شخص کو اپنی آواز بلند کرنی چاہئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News