تحریک انصاف نے آئی جی سندھ کا تبادلہ رکوانے کیلئے عدالت سے رجوع کرنے کا اعلان کردیا۔

تفصیلات کے مطابق پی ٹی آئی کی ہنگامی پریس کانفرنس وزیراعلی ہاؤس کے پاس ہوئی، جس میں پی ٹی آئی نے آئی جی سندھ کو ہٹانے  سے متعلق اپنا موقف سامنے رکھتے ہوئے کہا ہے کہ جب کوئی کام آئیں قانون کے مطابق نہیں ہوگی تو جس عمل کا جواز نہیں تو وہ نہیں ہونا چاہیئے۔

اپوزیشن لیڈر فردوس شمیم نقوی کہتے ہیں ڈاکٹر کلیم امام کا تبادلہ کسی صورت نہیں ہونے دیں گے۔

ان کا کہنا تھا کہ عدالت کے دروازے سب کے لئے کھلے ہیں ہمارے اور کلیم امام کے پاس وہ بھی عدالت جاسکتے ہیں اور گورنر کا جواب گورنر دے سکتے ہیں۔

سندھ کابینہ نے آئی جی سندھ کلیم امام کو ہٹانے کی منظوری دے دی

اس موقع پر ان کا کہنا تھا کہ پہلے تو ان غلام افسران سے بھی پوچھ لیں کہ ہر بات پر طلب اور استعمال ہوتے ہیں۔

فردوس شمیم کا کہنا تھا کہ ہمارا رشتہ وفاق سے اس پارٹی کی کی بناء پر ہے وہ تحریک انصاف ہے، سندھ کے حالات اچھے نہیں وزیر اعظم کو اپیل کریں گے کہ تیس سال سے رینجرز تعینات ہے اور رینجرز ہٹ گئی تو الامین کیا ہوگا سب سمجھتے ہیں۔

واضح رہےے کہ اس سے قبل وزیراعظم عمران خان اور گورنر سندھ کے درمیان ٹیلیفونک رابطہ ہوا تھا۔

رابطے میں آئی جی سندھ کےمعاملے پر مشاورت بھی کی گئی جبکہ عمران خان نے عمران اسماعیل کو اس موضوع پر تمام پارٹیوں سے مشاورت کا ٹاسک بھی دیا گیا ہے۔

ذرائع کا کہنا ہے کہ وزیراعظم اور عمران اسماعیل کی مشاورت میں حکومتی اتحادیوں اور آئی جی سندھ تبدیلی کا معاملہ بھی زیر غور رہا ہے۔

اس سے قبل وزیر اطلاعات سندھ سعید غنی نے سندھ کابینہ اجلاس کے بعد آی جی سندھ کے متعلق پریس کانفرنس کرتے ہوئے کلیم امام پر الزامات کی بوچھار کردی تھی۔