ملتان میں میپکو ٹیموں نے بجلی چوروں کے خلاف آپریشن کرتے ہوئے ایک روز میں121بجلی چور پکڑلئے۔

ترجمان میپکو نےکہا کہ ایک روز میں121بجلی چور کو ایک لاکھ67ہزار یونٹس بجلی چوری کرنے پر29 لا کھ روپے جرمانہ عائد کیا گیاجبکہ ملتان میں 14گھریلو،کمرشل اور ٹیوب ویل صارفین کو26775یونٹس چوری کرنے پر446385 روپے جرمانہ عائدکیا گیاہے۔

ترجمان میپکو نے مزید کہا کہ بجلی چوروں کے خلاف  مقدمات  درج کرا دیئے گئے اور اس معاملے پر مزید تحقیقات کی جارہی ہے۔

واضح  رہے کہ اس سے قبل بھی ملتان میں میپکو ٹیموں نے بجلی چوروں کے خلاف آپریشن کرتے ہوئے ایک روز میں 300 بجلی چور پکڑلئے تھے۔

ترجمان میپکو نےکہا  تھا کہ ایک لاکھ36ہزار یونٹس بجلی چوری کرنے پر22 لاکھ 74ہزار روپے جرمانہ عائد کیا گیا جبکہ ملتان میں 12گھریلوصارفین کو11840یونٹس چوری کرنے پر230126روپے جرمانہ  عائد کیا گیا تھا ۔

ملتان،میپکو ٹیموں کا بجلی چوروں کے خلاف آپریشن

دوسری جانب ملتان شہر کے 11KVیاد رہے کہ فیڈرز سے بجلی کی فراہمی کھمبوں کی درستگی و تنصیب کے سلسلہ میں 21 اور22دسمبر کو صبح ساڑھے آٹھ بجے سے دوپہرساڑھے باربجے تک بند رہے گی۔

اس بندش سے 11KVاشرف آباد فیڈر متاثرہوگا جبکہ 22دسمبر کو 11KVایئرپورٹ، ہائی کورٹ، نواں شہر اور اولڈ سورج میانی فیڈرز سے ساڑھے نو بجے صبح سے ساڑھے تین بجے دوپہر تک ، 11KVاحمد یار، لعل شاہ، مہدی خان اور شہرجیلانی فیڈرز ،11KVمیران شاہ، الفرید، سرورشہید، چن پیر، ستلج، پاورہاؤس اور عزیز مکی فیڈرز سے ساڑھے نو بجے صبح سے ساڑھے تین بجے دوپہر تک، 11KVفریدی، نواں کوٹ، ایم اے بچایا،سٹی اور باغ وبہار فیڈرزسے نو بجے صبح سے تین بجے دو پہر تک بجلی کی فراہمی بند رہے گی۔

500KV گدومظفر گڑھ ٹرانسمیشن لائن کی ضروری مرمت کے سلسلہ میں ملتان شہر کے 132KVانڈسٹریل اسٹیٹ، میسکو، قاسم پور، وہاڑی روڈ اور قاسم باغ،مظفرگڑھ، گجرات ساؤتھ، خان گڑھ، ماہڑا خاص، ڈمر والا، جتوئی، علی پور اور خیرپورسادات گرڈاسٹیشنوں سے آٹھ بجے صبح سے چھ بجے شام کے دوران 25سے30میگاواٹ کی اضافی لوڈمینجمنٹ ہوگی۔