ورلڈ بینک پاکستان کےکنٹری ڈائریکٹرمسٹرالانگو کی وزیرتوانائی سندھ امتیازاحمد شیخ سے ان کے آفس میں ملاقات ہوئی۔

ملاقات میں صوبے میں جاری متبادل توانائی کے منصوبوں پر تفصیلی تبادلہ خیال کیا گیا جبکہ وزیر توانائی نے مسٹر الانگو  کو سندھ کی متبادل توانائی کی پالیسی سے آگاہ کیا۔

اس موقع پر وزیرتوانائی سندھ امتیازاحمد شیخ نے کہا ہے کہ سندھ صوبہ سرمایاکاری کے لئے بہترین مواقع فراہم کرنے کو تیار ہے۔

امتیازاحمد شیخ نے یہ بھی کہا کہ10 اضلاع کے بجائے پورے صوبے میں سولر سسٹم لگایا جائے گا جبکہ سرکاری بلنڈنگ کے سولر پروگرام کو کرچی حیدرآباد کے ساتھ ساتھ پورے صوبے میں لگایا جائے گا۔

وزیرتوانائی سندھ امتیازاحمد شیخ نے مزید کہا کہ پہلے مرحلے میں جناح ہسپتال اور صوبائی اسیمبلی میں گرین سولر پارک لگایا جائے گا، متبادل توانائی ملکی ترقی میں اہم سنگ میل ثابت ہوگا۔

ورلڈ بینک پاکستان کےکنٹری ڈائریکٹرمسٹرالانگو نے کہا کہ مرحلا وار سولر سسٹم پورے صوبے میں لگایا جائے گا۔

ورلڈبینک کا پاکستان کی بجٹ سپورٹ سےمتعلق امدادبحال کرنےکا فیصلہ

اس موقع پرسیکریٹری انرجی مصدق خان ،سندھ سولر پراجیکٹ کے ڈائریکٹر محفوظ قاضی اور دیگر بھی موجود تھے۔

واضح رہے کہ اس سے قبل ورلڈ بینک نے پاکستان کی بجٹ سپورٹ سےمتعلق امداد بحال کرنے کا فیصلہ کیا تھا۔

سماجی رابطے کی ویب سائٹ ٹوئٹر پرجاری پیغام میں انہوں نے بتایا تھا کہ پاکستان کی معیشت میں استحکام کو دیکھتے ہوئے ورلڈبینک نے اہم فیصلہ لیا۔

ورلڈ بینک اورایشیائی ترقیاتی بینک نے دو سال قبل معاشی عدم استحکام کے باعث امداد معطل کی تھی۔