منصوبہ بندی کے وزیر اسد عمر نے سی پیک کے منصوبوں پر پیشرفت پر اطمینان کا اظہار کیا ہے۔

وفاقی وزیرمنصوبہ بندی ترقی اسد عمر سے چین کے سفیر یاؤجنگ نے ملاقات کی ہے، ملاقات میں دونوں ممالک کے درمیان سی پیک کے منصوبوں اور اقتصادی تعاون سے متعلق معاملات پر تبادلہ خیال کیا گیا۔

انہوں نے اسلام آباد میں چینی سفیر سے گفتگو کرتے ہوئے کہا کہ سی پیک کے منصوبوں پر عملدرآمد کی رفتار میں مزید تیزی لائی جائے گی۔

منصوبہ بندی کے وزیر نے کہا کہ اس وقت خصوصی اقتصادی زونز کا قیام اور انہیں فعال بنانا اولین ترجیح ہے۔

انہوں نے کہا کہ ان زونز سے مینو فیکچرنگ کے شعبے میں مشترکہ منصوبے شروع کرنے میں مدد ملے گی جس سے فریقین کے کاروباری ادارے مربوط ہو جائیں گے۔اسد عمر نے زرعی شعبے میں تعاون کو فروغ دینے کی ضرورت پر بھی زور د یا جو پاکستانی معیشت کیلئے انتہائی اہم ہے۔

پاک چین دوستی، سی پیک کے تعاون کومزید فروغ دینے پراتفاق

سفیر نے کہا کہ چین پاکستان کی کاروباری اور مینو فیکچرنگ کی صنعتوں کے ساتھ تعلقات کو فروغ دینے میں دلچسپی رکھتاہے۔

اس موقع پر اسد عمر نے کہا کہ آنے والے مہینوں میں سی پیک منصوبوں کی رفتار میں مزید تیزی لائے جائے گی۔انہوں نے بتایا کہ  اسپیشل اکنامک زونز کا قیام اور اس پر عملدرامد حکومت کی اولین ترجیحات میں سے ایک ہے۔ اسپیشل اکنامک زون مینوفیکچرنگ میں مشترکہ منصوبوں کے قیام کو ممکن بنائے گا۔ یہ اکنامک زون دونوں اطراف کے کاروباری اداروں کو متحد کرے گا۔

انہوں نے کہا کہ زراعت کے شعبے میں تعاون میں اضافہ اور جدید ٹیکنالوجی کا استعمال پاکستانی معیشت کیلئے انتہائی اہم ہے۔ پاکستانی مینوفیکچرنگ صنعتوں کیلئے یہ ضروری ہے کہ چینی کمپنیوں کے ساتھ شراکت کر کے عالمی ویلیو چین کا حصہ بنیں۔

جبکہ چینی سفیر نے چینی سرمایہ کاروں اور پاکستانی مینوفیکچرنگ صنعتوں کے مابین تعلقات کو فروغ دینے کی خواہش کا اظہار کیا۔