وفاقی حکومت نے صدر اور وزیراعظم کے کیمپ آفسز بنانے کا اختیار ختم کرنے کا فیصلہ کرلیا گیا ہے۔

ذرائع کے مطابق وزیراعظم اور صدر سے متعلق ایکٹ 1975 میں ترمیم لائی جائے گی جس کے کابینہ ڈویژن نے ایکٹ 1975 میں ترمیم سے متعلق مسودہ تیار کرلیا ہے۔

ذرائع کا کہنا ہے کہ مسودہ کل منظوری کے لیے وفاقی کابینہ میں پیش کیا جائے گا جبکہ کی جانے والی ترمیم کے مطابق صدر اور وزیراعظم دفاتر اور رہائش کے علاوہ کوئی کیمپ آفس نہیں بنا سکیں گے۔

ذرائع کا کہنا ہے کہ کیمپ آفسز ختم کرنے کا فیصلہ اخراجات میں کمی کے لیے کیا جارہا ہے، کابینہ کی منظوری کے بعد بل منظوری کے لیے پارلیمنٹ میں پیش کیے جائیں گے۔

وفاقی حکومت کا اتحادی جماعتوں کے تحفظات دور کرنے کا فیصلہ

واضح رہے کہ کذشتہ سال کابینہ کے ایک اجلاس میں سابق حکمرانوں کے کیمپ آفسز اور طبی اخراجات کی تفصیلات پیش کی گئیں تھیں جس کے مطابق سابق حکمرانوں نے کیمپ آفسز ، سکیورٹی اور میڈیکل کے نام پر اربوں روپے خرچ کیے گئے تھے۔

سابق وزیراعظم نوازشریف نے کیمپ آفس اور میڈیکل اخراجات کی مد میں 4ارب سے زائد خرچ کیے تھے، سابق صدر آصف زرداری نے 3 ارب 16کروڑ 41لاکھ روپے خرچ کیے، شہباز شریف نے 8ارب سے زائد، شاہد خاقان عباسی نے 35 کروڑ اور یوسف رضا گیلانی نے ساڑھے 24 کروڑ راجہ پرویز اشرف 32کروڑ ، سابق صدر ممنون حسین نے 30کروڑ روپے سرکاری خزانے سے خرچ کیے تھے۔

اس کے بعد وفاقی وزیر مواصلات مراد سعید نے بھی شہباز شریف کے ذاتی گھروں کو کیمپ دفاتر ڈیکلیئر کرنے کے نوٹی فکیشن سوشل میڈیا پر شیئر کئے تھے۔

سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ آپ نے شہباز شریف کے کرپشن کے پیسے کو سیکورٹی اہلکاروں کی موجودگی میں بلٹ پروف لینڈ کروزر میں منتقل ہوتے ہوئے دیکھا گیا ہے۔

Advertisement

آپ نےشہبازشریف کےکرپشن کےپیسے کوسیکورٹی اہلکاروں کی موجودگی میں بلٹ پروف لینڈکروزرمیں منتقل ہوتےہوئےدیکھا

وہ نوٹیفیکشن جسمیں اپنےذاتی گھروں کوکیمپ آفسسزڈیکلیئرکیاگیا۔اسکی سیکورٹی اوراخراجات بھی سرکاری خزانےسے

نوازشریف کےنااہلی کےبعدراوئونڈکو پھرسےسرکاری رہائشگاہ قراردیاگیا pic.twitter.com/Tajfl1hNRc

— Murad Saeed (@MuradSaeedPTI) December 4, 2019