بلوچستان کے دارالحکومت کوئٹہ میں دھماکہ ہوا جس کے نتیجے میں 2 افراد جاں بحق جبکہ 12 زخمی ہوگئے ہیں۔

ریسکیو ذرائع کے مطابق بلوچستان کے دارالحکومت میں باچا خان چوک پر پولیس کی گاڑی کے قریب دھماکہ ہوا جس کے نتیجے میں متعدد افراد زخمی ہوگئے ہیں۔

ریسکیو ذرائع  کا یہ بھی کہنا تھا کہ دھماکے کی آواز دور دور تک سنائی دی گئی ہے جب کہ قریبی عمارتوں کے شیشے ٹوٹ گئے اور گاڑیوں کو بھی نقصان پہنچا۔

پولیس ذرائع کا کہنا تھا کہ واقعہ میں 12 افراد زخمی ہوئے جنہیں طبی امداد کے لئے اسپتال منتقل کردیا گیا ہے جبکہ اسپتال ذرائع کا کہنا ہے کہ زخمیوں میں کچھ کی حالت تشویش ناک بتائی جارہی ہے۔

پولیس ذرائع کا یہ بھی کہنا تھا کہ جائے دھماکا پر فائر بریگیڈ، ریسکیو ٹیمیں اور سیکورٹی فورسز کے اہلکار پہنچ گئے ہیں، پولیس نے علاقے کو گھیرے میں لے لیا ہے اور بم ڈسپوذل اسکواڈ کا عملہ سرچنگ میں مصروف ہے۔

کوئٹہ کے سول اسپتال اور سی ایم ایچ کوئٹہ میں ایمرجنسی نافذ کرکے ڈاکٹرز اور پیرامیڈیکل اسٹاف کو طلب کر لیا گیا ہے۔

کوئٹہ میں دھماکہ، 3 اہلکار شہید جبکہ پانچ زخمی

اس موقع پروزیر دارخلہ بلوچستان ضیاء کانگو نے واقعہ کی مزیمت کرتے ہوئے  کہا کہ ملک دشمن عناصر امن و امان کی صورتحال خراب کرنا چاہتے ہیں۔

صوبائی وزیر داخلہ نے قانون نافذ کرنے والے اداروں کو بھی سخت سیکیورٹی اقدامات کرنے کی ہدایت کی جبکہ زخمیوں کو بہترین طبی سہولیات فراہم کرنے کی بھی  ہدایات کردی ۔

دوسری جانب وزیراعلیٰ بلوچستان جام کمال نے کوئٹ واقعے کی شدید الفاظ میں مذمت کرتے ہوئے واقعے کی رپورٹ بھی طلب کرلی۔

واضح رہے اس سے قبل بھی کوئٹہ میں ائیرپورٹ روڈ پرایف سی کی گاڑی کے قریب دھماکہ ہوا جس میں 3 اہلکار شہید جبکہ پانچ زخمی ہوگئے پیں۔

سکیورٹی ذرائع نے کہا تھا کہ جائے دھماکہ کو فورسز نے گھیرے میں لے لیا ہے اور واقعہ کی اطلاع ملنے کے بعد غزہ بندروڈ ٹریفک کی آمد رفت کیلئے بند کری گئی جبکہ فورسز دھماکے کی نوعیت سے متعلق شواہد اکھٹے کرنے میں مصروف ہیں۔