فلاحی ادارے کے شیلٹر ہوم میں مبینہ تشدد سے نوجوان لڑکی ہلاک ہوگئی

فلاحی ادارے کے شیلٹر ہوم میں مبینہ تشدد سے نوجوان لڑکی ہلاک

محمد طیب

24th Jan, 2020. 12:30 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

فلاحی ادارے کے شیلٹر ہوم میں مبینہ تشدد سے نوجوان لڑکی ہلاک

کراچی کے علاقے کلفٹن میں ایک نجی سماجی بہبود کی تنظیم کے ایک شیلٹر ہوم میں اساتذہ کے مبینہ تشدد کے بعد ایک یتیم لڑکی جاں بحق ہوگئی۔

پولیس کے مطابق لڑکی کی دوستوں نے دعوی کیا ہے کہ بچی کی موت کچھ دن پہلے ہی ایک استاد کی طرف سے وحشیانہ تشدد کا نشانہ بننے کے بعد ہوئی تھی۔

پولیس پارٹی کے ہمراہ جوڈیشل مجسٹریٹ نے شیلٹر ہوم پر چھاپہ مارا اور کم از کم سات لڑکیوں کو بازیاب کروالیا۔ بعدازاں بچیوں کو محکمہ سوشل ویلفیئر کے حوالے کردیا گیا ہے۔

پولیس حکام کا کہنا ہے کہ سندھ ہائی کورٹ میں شیلٹرہوم میں بچیوں پر تشدد کے خلاف پہلے ہی ایک درخواست دائر کی جاچکی ہے۔

دوسری جانب پولیس نے کلفٹن تھانے میں معاملہ درج کرکے لڑکی کے قتل کی تحقیقات کا آغاز کردیا ہے۔

واضح رہے کہ گذشتہ سال 8 فروری کو لاہور کے بھگوان پورہ میں ایک مدرسے کے استاد سے مبینہ طور پر تشدد کا نشانہ بننے کے بعد ایک سات سالہ لڑکے کی موت ہوگئی تھی۔

اسپتال میں بچے کو طبی قانونی حیثیت کے لئے لایا گیا تھا تو ڈاکٹروں نے تصدیق کی کہ اس کے جسم پر تشدد کے نشانات ہیں۔

لڑکے کی موت پر مشتعل ، اس کے لواحقین ، جو گجرات سے صوبائی دارالحکومت پہنچے تھے، نے اساتذہ کے خلاف کارروائی کا مطالبہ کرتے ہوئے، لاہور پریس کلب کے باہر احتجاجی مظاہرہ کیا تھا۔