بےنظیر انکم سپورٹ پروگرام سے ناجائز فائدہ اٹھانے والوں کیخلاف کارروائی کا آغاز کردیا گیا ہے جس میں 17 گریڈ کے 4 افسران کو نوکری سے فارغ کردیا گیا ہے۔

تفصیلات کے مطابق 17 گریڈ کے برطرف ہوئے 4 افسران نے بیگمات کے نام پر بی آئی ایس پی پروگرام سے ناجائز فائدہ اٹھایا جس میں سے 4 لاکھ 40 ہزار روپے واپس وصول کرلیے گئے ہیں۔

برطرف کیے گئے افسران میں نعمان ذہیم، شفیع اللہ، سید فضل امین اور سبیل خان شامل ہیں جبکہ ان کے نوٹیفکیشن بجی جاری کردیئے گئے ہیں۔

بیگمات کے نام پر وظیفہ لینے والے افسران کا تعلق ایبٹ آباد اور ڈی آئی خان سے ہے، اسکینڈل میں ملوث مزید افسران کےخلاف کارروائی جاری ہے۔

حکومت کا بے نظیر پروگرام کی رقم ڈکارنے والوں کے خلاف کارروائی کا فیصلہ

یاد رہے کہ دھوکہ دہی سے فائدہ اٹھانے والوں میں گریڈ 17 سے 21 کے افسران شامل

وزیراعظم نے سعکاری افسران کے خلاف سخت کارروائی کا حکم دے رکھا ہے۔

وفاقی حکومت نے یہ شو کاز نوٹسز ان 14ہزار سے زائد ملازمین اور سرکاری افسروں کوجاری کیے ہیں جو سالہا سال سے بے نظیر انکم سپورٹ پروگرام سے جعلسازی کے ذریعے فائدہ اٹھارہے ہیں ، بعض افسران اور ملازمین نے بے نظیر انکم سپورٹ پروگرام سے وظیفہ لینے کے لیے اپنی بیویوں اور عزیزو اقارب کے نام کا اندراج کرا رکھا تھا۔

گزشتہ دنوں قومی اسمبلی میں پیش کردہ تفصیلات میں انکشاف کیا گیا تھا کہ مجموعی طور پہ 14 ہزار سے زائد سرکاری ملازمین اور افسران بے نظیر انکم سپورٹ پروگرام سے وظیفہ لے رہے ہیں۔ ان میں گریڈ 17 سے 21 کے 2 ہزار 543 افسران شامل ہیں۔ گریڈ 17 کے 1 ہزار 446 گریڈ 18 کے 604 گریڈ 19 کے 429 گریڈ 20 کے 61 اور گریڈ 21 کے 3 افسران شامل ہیں۔