بے نظیر انکم سپورٹ پروگرام سے غریب بن کر رقم وصول کرنے والوں کے گرد گھیرا تنگ کردیا گیا۔

تفصیلات کے مطابق حکومت کی جانب سے بے نظیر انکم سپورٹ پروگرام سےغریب بن کر رقم وصول کرنے والے افسران کے خلاف کاروائی کا فیصلہ کرلیا گیا ہے۔

ذرائع کے مطابق بی آئی ایس پی نے چیف سیکرٹریز اور متعلقہ وزارتوں کو مراسلہ ارسال کردیا جس میں متعلقہ افسران کے خلاف کاروائی کی سفارش کی گئی ہے۔

مال مفت دل بے رحم سمجھ کر قومی خزانے سے فاعدہ اٹھانے والے گریڈ 17 سے 21 کے اعلیٰ سرکاری افسران فہرست میں شام ہیں گریڈ سترہ سے گریڈ اکیس تک کے کل 2543 افسران پروگرام سے مستفید ہوئے۔

6 لاکھ سےزائد افراد کوبینظیر انکم سپورٹ پروگرام سےنکالنےکافیصلہ

چند روز قبل وزیراعظم کی معاون خصوصی برائے احساس پروگرام ثانیہ نشتر نے بینظیر انکم سپورٹ پروگرام سے 8 لاکھ 20 ہزار غیر مستحق افراد کو نکالنے کا اعلان کیا تھا۔

ثانیہ نشتر کا کہنا تھا کہ بی آئی ایس پی سے نکالے گئے افراد 2011 سے مستحق افراد کا حق کھا رہے تھے، نکالے گئے افراد کی جگہ نئے لوگوں کو شامل کیا جائے گا اور ہر سال فہرست کا جائزہ بھی لیا جائے گا۔

حکومت کے اس فیصلے کو پیپلز پارٹی کی قیادت نے شدید تنقید کا نشانہ بناتے ہوئے کہا تھا کہ پی ٹی آئی کی حکومت نے 50 لاکھ گھروں کا وعدہ کیا تھا لیکن یہ تو غریبوں سے ان کا حق بھی چھین رہے ہیں۔

اب بی آئی ایس پی سے نکالے گئے افراد کی فہرست کے ذریعے انکشاف ہوا ہے کہ نکالے جانے والوں میں اعلیٰ سرکاری افسران بھی شامل تھے۔