پنجاب کے وزیر اطلاعات فیاض الحسن چوہان نے کہا ہے کہ مولانا کی قسمت میں صرف سوجی کا حلوہ ہے، نوٹوں کا جلوہ نہیں۔

تفصیلات کے مطابق  صوبائی وزیر اطلاعات فیاض الحسن چوہان نے اپنے ایک بیان میں کہا  کہ قوم نے مولانا فضل الرحمان کے سیاسی نظریات کو مسترد کر دیا ہے، بدقسمتی سے مولانا فضل الرحمان نے یہ موقع بھی منفی سیاست کی نذر کردیا۔

پنجاب کے وزیر اطلاعات نے کہا کہ آرمی چیف کی مدت ملازمت میں توسیع کے معاملے پر حزب اختلاف کا رویہ قابلِ تحسین ہے اور اس حساس معاملے پر حزب اختلاف نے سیاست نہ کر کے سمجھدارانہ رویہ اختیار کیا ہے۔

فیاض الحسن چوہان نے  یہ بھی کہا کہ پاکستان تحریک انصاف (پی ٹی آئی) سمیت پوری قوم آرمی چیف کی مدت ملازمت میں توسیع پر متفق تھی تاہم بدقسمتی سے جمعیت علمائے اسلام (جے یو آئی) ف کے سربراہ مولانا فضل الرحمان نے یہ موقع بھی منفی سیاست کی نذر کر دیا۔

فیاض الحسن پر تشدد کرنیوالے وکیل کےگھرپر چھاپہ

پنجاب کے وزیر اطلاعات فیاض الحسن چوہان  نے مزید کہا کہ قوم نے مولانا فضل الرحمان کے سیاسی نظریات کو مسترد کر دیا ہے اور اب مولانا فضل الرحمان کی قسمت میں نوٹوں کا جلوہ نہیں بلکہ صرف سوجی کا حلوہ ہے۔

واضح رہے کہ گیارہ دسمبر کو پی آئی سی پر حملے کے وقت وزیراطلاعات پنجاب فیاض الحسن چوہان کو وکیلوں نے تشدد کا نشانہ بنایا تھا جن کی گرفتاری کیلئے پولیس نے کوششیں تیز کردی تھی۔

وزیراطلاعات پنجاب فیاض الحسن چوہان پر تشدد کرنے والے وکیل کی شناخت ہوگئی تھی، شناخت عبدالماجد کے نام سے ہوئی جو ہربنس پورہ کا رہائشی تھا۔

ذرائع کے مطابق پولیس کے چھاپے کے باوجود عبدالماجد نا می اس وکیل کی گرفتاری عمل میں نہ آسکی تھی۔

فیاض الحسن چوہان پر حملہ کرنے والے مزید 6 وکلا کی شناخت کی گئی جس کے بعد کارروائی عمل میں لائی گئی۔