صدر آزاد جموں کشمیر سردار مسعود خان نے کہا ہے کہ بھارت نے مہلک ترین ہتھیار آزاد کشمیر اور پاکستان کی سرحد پر نصیب کئے ہیں، جنگ سر پر منڈلارہی ہے، یہ ایٹمی جنگ ہوسکتی ہےاور اگر جنگ ہوئی تو بھارت کو سنگین نتائج بھگتنے پڑیں گے۔

تفصیلات کے مطابق صدر آزاد جموں کشمیر سردار مسعود خان نے گورنر ہاوس کوئٹہ میں پریس کانفرنس کرتے ہوئے کہا کہ نیشنل سیکیورٹی ورکشاپ میں جانے کا بنیادی مقصد کہ انہیں کشمیر کی صورتحال سے آگاہ کرنا تھا۔

صدر آزاد جموں کشمیر نے کہا کہ  انڈیا نے جالی نقشے جاری لئے تھے جس پر پاکستان نے جس جزبے سے ہمارا ساتھ دیا میں اس کا شکریہ ادا کرنے آیا ہوں  جبکہ  بلوچستان کے ہر بڑے اور چھوٹے شہروں میں ہمارے حق میں مظاہرے لئے گئے جس کے لئے بلوچستان کی عوام کا شکر گزار ہوں ۔

سردار مسعود خان نے یہ بھی کہا کہ 2019   کا سال کشمیر کے لئے بد ترین سال رہا،اور ہندوستان کی کشمیر میں مداخل نا قابل برداشت عمل ہےجبکہ مسئلہ کشمیر پر  پاکستان  جس طرح سے ہمارا ساتھ دینے کے لئے کھڑا ہوا ہے وہ قابل تعریف ہے۔

بھارت نےمقبوضہ کشمیر کو قبرستان بنادیا، مسعود خان

صدر آزاد جموں کشمیر کا کہنا تھا کہ  ہمارا بھارت سےکسی قسم کا رابطہ نہیں   اور کشمیریوں کی مرضی کے بغیر کوئی فیصلہ نہیں ہوسکتا جبکہ کشمیر کےبارے میں نہ کسی قسم کا سمجھوتا ہوانہ  ہو سکتا ہےلیکن یہ افواہیں گردش کر رہی ہیں کہ سمجھوتا ہوا ہےاور اس قسم کے افواہوں سے بھارت خوش ہوتا ہے۔

سردار مسعود خان کا  یہ بھی کہنا تھا کہ ہندوستان پروپیگنڈا کررہا ہے کہ اسلامی ممالک کشمیر اور پاکستان کیساتھ نہیں یہ غلط ہے جبکہ ہندونستان نے بہت بڑے اقدام اٹھایا ہےاور  گلگت بلتستان کو بھی اپنے حدود میں دیکھانے کی کوشش کی ہے۔

صدر آزاد جموں کشمیر سردار مسعود خان کا مزید کہنا تھا کہ بھارت پورے علاقوں کو جنگ کی بٹی میں جونکنے کی کوشش کررہا ہےاور دنیا کی ذمہ داری ہے کہ وہ بھارت کے ان عزائم سے نمٹے کیونکہ یہ جنگ صرف دو ممالک کی نہیں پورے خطے کو لپیٹ میں لے گی۔