وزیراعظم کی معاون خصوصی برائے اطلاعات ڈاکٹر فردوس عاشق اعوان نے کہا  ہے کہ تمام میڈیا ہاوسز خاص طور پر علاقائی صحافی کے مسائل حل کرنا ہماری ذمہ داری ہے۔

 تفصیلا ت کے مطابق  وزیراعظم کی معاون خصوصی برائے اطلاعات ڈاکٹر فردوس عاشق اعوان نے تقریب سے خطاب کرتے ہوئے کہا کہ میڈیا کیلئے سازگار موحول پیدا کرنا ہماری ذمہ داری ہےاو ر ہمیں ایسا ماحول پیدا کرنا جو قومی سلامتی سے جڑا ہو کیونکہ میڈیا میں چیلنچز زیادہ ہے وسائل کم ہے۔

وزیراعظم کی معاون خصوصی برائے اطلاعات نے کہا کہ میڈیا میں انفارمیشن فلو کیساتھ نیوز کی سلیکشن ایک مشکل ٹاسک ہے جبکہ ریجنل میڈیا کو جدید ٹیکنالوجی سے انٹرلنک کرنے کی ضرورت ہے۔

ڈاکٹر فردوس عاشق اعوان  نے یہ بھی کہا کہ میڈیا ورکرز اور مالکان کو اعتماد میں لئے بغیر جدید اصلاحات کا سفر طےنہیں کرسکتے  اس لئے میڈیا اداروں سے مذکرات جاری ہے۔

2020 عوام کی ترقی اور خوشحالی کا سال ہو گا، فردوس عاشق اعوان

معاون خصوصی برائے اطلاعات کا کہنا تھا کہ میڈیا اور سوشل میڈیا پر سلیکشن نیوز پیش کئے جاتے ہیں جبکہ ہر گھنٹے آپ کو مختلف نیوز ملتی ہے  جبکہ وزیر اعظم عمران خان کی ہر خبر پر نظر ہوتی ہے جبکہ وہ خبر اور اس کے اندر موجود مواد پر تبادلہ خیال  بھی کرتے ہیں۔

اپنے بیان میں ڈاکٹر فردوس عاشق اعوان کا کہنا تھا کہ پاکستان میں جتنی تیزی سےچیلنجز  بڑھ رہے ہیں اس حساب سے آپرچیونٹیزموجود نہیں، آپرچونیٹی کو پیدا کرنا لیڈر شپ کی ذمہ داری ہے۔

وزیراعظم کی معاون خصوصی برائے اطلاعات کا یہ بھی کہنا تھا کہ تمام پریس کلبز کو جدید اکیڈمی سے انٹر لنک کیا جائے گا جبکہ نیشنل ایشوز پر میڈیا کو اکیڈمی میں جدید اصلاحات متعارف کروائی جائے گی۔

وزیر  اعظم کی معاون خصوصی برائے اطلاعات ڈاکٹر فردوس عاشق اعوان کا مزید کہنا تھا کہ انفارمیشن منسٹری کا رول ہر جگہ موجود ہے ، ففتھ جنرریشن وار میں میڈیا کو جدید ٹیکنالوجی پر آراستہ کیا جائے گا۔