وزیر مملکت شہریار آفریدی نے بتایا ہے کہ سرنج کے ذریعے جسم میں ڈرگ منتقل کرنے کے خطرناک اثرات کے حوالے سے نوجوانوں میں آگاہی پیدا کرنے کے لئے زندگی ایپ کا اجرا کیا گیا ہے۔

تفصیلات کے مطابق قومی اسمبلی کے آج ہونے والے اجلاس میں وزیر مملکت شہریار آفریدی کی جانب سے ملک میں جاری نوجوانوں میں منشیات کے بڑھتے ہوئے رجحان کے خلاف حکومت کی جانب سے کئے جانے والے اقدامات کے متعلق آگاہ کیا گیا۔

 ریاستوں اور سرحد ی علاقوں کے وزیر مملکت شہریار آفریدی نے کہا کہ زندگی ایپ کے حوالے سے تمام سکولوں اور تعلیمی اداروں میں سوال و جواب کی نشستوں کا بھی اہتمام کیا جارہا ہے۔

انہوں نے بتایا کہ زندگی ایپ سے والدین جنہیں سنتھیٹک ڈرگ کا نہیں معلوم وہ دیکھ سکتے ہیں کیونکہ یوتھ، والدین اور ٹیچرز کو ایجوکیٹ کرنا ضروری ہے۔

ان کا مزید کہنا تھا کہ ہمیں پارٹیوں سے نکل کر اپنی نسل کا سوچنا چاہیے کیونکہ ایک مدرسے میں ریڈ کی خبر چھپی کہ مدرسے کے استاد نے شاگردوں کو کہا کہ ڈرگ استعمال کریں آپکا دماغ تیز ہوگا۔

 اس مسئلے پر اظہارخیال کرتے ہوئے تعلیم کے وزیر شفقت محمود نے ملک کے نوجوانوں کو تعلیم فراہم کرنے میں مدارس کے کردار کااعتراف کیا۔

سعودی عرب،ٹریفک حادثہ 6،پاکستانی جاں بحق

ایک اور سوال پر تعلیم کےوزیر نے کہا کہ اداروں کی تشکیل نو کےلئے 80 کروڑ روپے مالیت کا منصوبہ تیار کیا جارہا ہے۔

 انہوں نے کہا کہ وزارت اسلام آباد میں سکول بسوں کےلئے چار سو ڈرائیوروں اور کنڈیکٹروں کی بھرتیوں کا اعلان کرنے پر بھی غور کررہی ہے۔

 ایک سوال پر موسمیاتی تبدیلی کے بارے میں وزیر مملکت زرتاج گل نے ایوان کو بتایا کہ اینٹوں کے 64 بھٹوں میں سے پانچ کو اب ماحول دوست پالیسی زگ زیگ ٹیکنالوجی میں تبدیل کردیاگیا ہے۔

وقفہ سوالات کے دوران ہوا بازی ڈویژن کے بارے میں پارلیمانی سیکرٹری جمیل احمد خان نے ایوان کو بتایا کہ پی آئی اے نے خسارہ کم کرنے کےلئے پروازوں کی تعداد میں کمی کی ہے۔

 انہوں نے کہا کہ وزیراعظم کے وی آئی پی کلچر اورپروٹوکول ختم کرنے کی سوچ کے تحت پی آئی اے کی پروازوں میں ارکان پارلیمنٹ کےلئے نشستوں کا کوئی کوٹہ مقرر نہیں ہے تاہم انہوں نے کہا کہ پی آئی اے ارکان پارلیمنٹ کو ترجیح دیتی ہے۔