مظلوم کشمیریوں پر بھارتی انسانیت سوز سلوک کو دینا بھر میں اجاگر کرنے کے لیے پاک بحریہ بھی کسی سے پیچھے نہیں ، کشمیریوں کیساتھ اظہار یکجہتی کرنے کیلئے تقریب کا انعقاد کیا گیا ، کھلے سمندر میں پاکستان نیوی کے جوانواں نے پی این ایس راہ نورد کے ٹاور پر چڑھ کر کشمیری پرچم لہرائے اور نعرے لگائے ۔

کشمیری عوام سے اظہار یکجہتی کے لئے پاک بحریہ بھی پیش پیش ،، سمندری محافظوں  کی جانب سے   تقریب کا انعقاد کیا گیا،پی این ایس راہ نورد  کو الوداع کہنے کیلئے طلباء کی بڑی تعداد کراچی بندرگاہ آئی  اور پاکستان زندہ آباد کے نعرے لگائے۔

کھلے سمندر میں نیوی کے جوان رسیوں کی مدد سے  بحری جہاز کے ٹاور پر چڑھ گئے ، کشمیری پرچم لہراکر کشمیریوں سے اظہار یکجہتی کی۔

میڈیا سے گفتگو کرتے ہوئے کیپٹن شاہد رفیق کا کہنا تھا کہ پاک نیوی اپنے  جہازوں کے کشمیری بھائیوں پر ہونے والے مظالم سے دنیا کو بتانے کے لئے  بینرز اور پمفلٹس بھی تقسیم کررہی ہے

صوبائی وزیر قانون کی زیر صدارت کشمیر کمیٹی پنجاب کا اجلاس

سمندری لہروں پر پی این ایس راہ نورد کے اطراف سے گزرنے والے نیوی کے جہازوں پر اہلکاروں نے کشمیری عوام کو خراج تحسین پیش کیا اور پاکستان زندہ باد اور نعرہ تکبیر اللہ اکبر کے نعرے بلند کئے گئے۔

دوسری جانب 5 فروری کو کشمیری بھائیوں سے اظہار یکجہتی کی ملک بھر میں تیاریاں جاری ہیں۔

کشمیری بھائیوں سے اظہار یکجہتی کے لئے حیدر آباد کی شاہراہوں پر بلندوبالا سائن بورڈز آویزاں کردیئے گئے ہیں۔

یاد رہے کہ 5 فروری کو کشمیری بھائیوں سے اظہار یکجہتی کے لئے پروگراموں اور ریلیوں کی بھرپور تیاریاں جاری ہیں۔

 اس کے علاوہ کشمیری مسلمانوں سے اظہار یکجہتی کے لئے مذہبی وسماجی تنظیمیں ریلیاں نکالیں گی۔

کشمیریوں پر بھارتی مظالم اجاگر کرنے کے لئے ملک بھر کی اہم شاہراہوں پر نصب ڈیجیٹل اسکرینز پر دستاویزی فلمیں چلا دی گئیں۔