وزیر خارجہ شاہ محمود قریشی نے طالبان امریکہ معاہدے کہا ہے کہ کل کا دن افغانستان اور افغان عوام کے لیے بڑ ا دن ہے۔

تفصیلات کے مطابق دوحہ میں وزیر خارجہ شاہ محمود قریشی کی طالبان امریکہ معاہدے پر میڈیا سے خصوصی گفتگو میں کہنا تھا کہ افغانستان امن اور مفاہمت کی جانب بڑھ رہا ہے۔

اس موقع پر وزیر خارجہ کا کہنا تھا کہ کل کا معاہدہ انٹرا افغان مذاکرات کے لیے راہ ہموار کرے گا اور اللہ کرے کہ اس سے افغانستان میں امن و استحکام آ ئے۔

امریکی صدر کا طالبان کیساتھ امن معاہدے پر دستخط کرنے کا اعلان

وزیر خارجہ شاہ محمود قریشی نے تصدیق کرتے ہوئے کہا کہ امن معاہدے پر دستخط کی تقریب میں پاکستان کو دعوت دی گئی، اس سارے عمل کا حصہ بننا پاکستان کے لیے بڑا اعزاز اور مخلصانہ کوششوں کا اعتراف ہے، بھارت نے افغان امن معاہدے میں رکاوٹیں کھڑی کرنے کی کوششیں کیں لیکن اس کے باوجود اگر یہ معاہدہ ہو جاتا ہے تو یہ بہت بڑی کامیابی ہوگی۔

اس سے قبل وزیر خارجہ شاہ محمود قریشی نے کہا تھا کہ پاکستان ، امریکہ طالبان معاہدے کا خیر مقدم کرتا ہے۔

وزارت خارجہ کی طرف سے جاری بیان کے مطابق وزیر خارجہ شاہ محمود قریشی سے قطری سفیر صقر بن مبارک نے دفترخارجہ میں ملاقات کی تھی۔

ملاقات میں انہوں نے وزیر خارجہ کو دوحہ میں امریکہ طالبان امن معاہدے پر دستخط کی تقریب میں قطری ڈپٹی وزیراعظم اور وزیر خارجہ جناب شیخ محمد بن عبد الرحمن الثانی کی جانب سے شرکت کی دعوت دی ۔

یاد رہے کہامریکی صدر ڈونلد  ٹرمپ نے اپنے ایک بیان میں طالبان کیساتھ امن معاہدے پر دستخط کرنے کا اعلان کرتے ہوئے کہا کہ طالبان کیساتھ امن معاہدے پر دستخط کرونگا۔

اپنے بیان میں امریکی  صدر  نے کہا کہ ہم  دیکھنا چاہتے ہیں ایک ہفتے میں معاملات کہاں تک پہنچتے ہیں، ایک ہفتے سے پہلے ہی معاملات طے ہوجائیں تو اچھا ہے۔

امریکی صدرنے یہ بھی کہاکہ  طالبان معاہدے کیلئے سنجیدہ ہیں، ہمارے فوجی گھر واپس آنا چاہتے ہیں  اور اب لڑائی سے تھک چکے ہیں۔