پاک ترک کے درمیان اطلاعات، ثقافت سمیت متعدد مفاہمتی یادداشتوں پر دستخط کئے گئے ہیں۔

تفصیلات کے مطابق پاکستان اور ترکی کے درمیان کلچر، سیاحت، ٹرانسپورٹ، دفاعی تربیت اور خوراک کے شعبوں میں تعاون بڑھانے کی یادداشت پر دستخط کیے گئے۔

پاک ترک کے درمیان تجارت کا حجم بڑھانے کے ایم او یو پر رجب طیب اردوان اور عمران خان نے دستخط کیے۔

اس موقع پر ریلوے، انفرااسٹرکچر، دونوں ممالک کے سرکاری ٹیلی ویژن سمیت دیگر اہم شعبہ جات میں باہمی تعاون کے ایم او یوز پر دستخط کیے گئے جبکہ پاکستان اور ترکی کے درمیان سائنس اینڈ ٹیکنالوجی کے شعبے میں بھی 3 یادداشتوں پر بھی  دستخط کیے گئے۔

کشمیریوں کے حق میں آواز بلند کرنے پر ترک صدرکا مشکور ہوں، وزیراعظم

ترکی ایرواسپیس انڈسٹریز اور نیشنل یونیورسٹی آف سائنس اینڈ ٹیکنالوجی کے درمیان یادداشت پر دستخط کیے گئے جبکہ اس کے ساتھ ترکی کی حلال اکریڈیٹیشن ایجنسی، پاکستان نیشنل اکریڈیٹیشن کونسل اور ترکی اسٹینڈرڈ انسٹیٹیوشن اور پاکستان اسٹینڈرڈ اینڈ کوالٹی کنٹرول اتھارٹی کےد رمیان یادداشت پر  بھی دستخط کیے گئے ہیں ۔

اس موقع پر ترک صدررجب طیب اردوان نے کہا کہ  ہمارا تجارتی حجم صلاحیت سے بہت کم ہے، تجارت پانچ ارب ڈالر تک بڑھانا چاہتےہیں جس پر وزیراعظم عمران خان نے اردوان کو پاکستان میں الیکشن لڑنے کا مشورہ دے دیا۔

یادداشتوں پر دستخط کی تقریب میں وزیراعظم عمران خان اور ترک صدر رجب طیب اردوان بھی موجود تھے۔