گورنر سندھ عمران اسماعیل نے کہا ہے کہ نرسنگ کا شعبہ صحت عامہ میں ریڑھ کی ہڈی کی حیثیت رکھتا ہے۔

تفصیالت کے مطابق گورنر سندھ عمران اسماعیل سے پرائیوٹ نرسنگ انسٹیٹوٹس ایسوسی ایشن پاکستان کے وفد کی گورنر ہاؤس میں ملاقات ہوئی۔

ملاقات میں صحت کے شعبہ میں نرسنگ کی اہمیت، نرسنگ کے نجی تعلیمی اداروں کے کردار،ان کے مسائل اور باہمی دلچسپی کے دیگر امور پر تبادلہ خیال کیا گیا۔

اس موقع پر گورنر سندھ عمران اسماعیل نے کہا کہ تجربہ کار نرسنگ اٹینڈینٹس مریضوں کی دیکھ بھال اور صحت یابی میں نمایاں کردار ادا کرتے ہیں اور اس شعبہ کے مسائل کے حل کے لئے ہر ممکن اقدامات کریں گے ۔

  واضح رہے اس سے قبل بھی اسلام آباد میں وزیراعظم ہائوس میں وزیراعظم عمران خان اور گورنر سندھ کی ون آن ون ملاقات میں حکومت نے آئی جی سندھ کلیم امام کو تبدیل کر کے مشتاق مہر کو آئی جی بنانے کا فیصلہ کر لیا تھا ۔

 وزیراعظم عمران خان اور گورنر سندھ کی ملاقات میں آئی جی سندھ کلیم امام کو ہٹانے اور نئے آئی جی کے لئے چند ناموں کی فہرست تیار کرلی گئی جس میں سے مشتاق مہر کا نام سرفہرست کیا گیا تھا ۔

سی پیک پاکستان کے لیے ریڑھ کی ہڈی کی حیثیت رکھتا ہے ، گورنر سندھ

ملاقات میں صوبے کی سیاسی اور امن و امان کی صورتحال پر بات چیت کی گئی جبکہ  گورنر سندھ نے ایم کیو ایم سے مزاکرات کے بارے میں وزیراعظم کو آگاہ کیا تھا۔

گورنر سندھ نے کہا  تھا کہ ایم کیو ایم سے ملاقات خوشگوار ماحول میں ہوئی جبکہ  وزیراعظم اور کابینہ کے فیصلے کے مطابق وزیراعلیٰ سندھ سے بات  بھی کی ہے۔

وزیراعظم نے گورنر سندھ عمران اسماعیل سے ملاقات میں کہا  تھا کہ اتحادیوں سے کیے وعدے پورے کریں گے۔