پاکستان کی وزارت خارجہ امور نے اس بات کی تصدیق کی ہے کہ یہ ملک ترکی کے ساتھ مل کر دونوں ممالک کے شہریوں کو دہری شہریت دینے کے لئے معاہدہ کا مسودہ تیار کر رہا ہے۔

دفتر خارجہ کی ترجمان عائشہ فاروقی نے اپنے بیان مین کہا کہ “ترک سفیر نے گذشتہ ہفتے وزیر داخلہ سے باہمی دلچسپی کے امور پر بات چیت کرنے کا مطالبہ کیا تھا۔”

“بات چیت کے دوران، دوہری شہریت کا سوال بھی زیربحث آیا۔ “انہوں نے مزید کہا کہ یہ مسودہ تیار کرنے کا فیصلہ ترکی میں پاکستانی کمیونٹی کے دیرینہ مطالبے کو پورا کرنے کے لئے لیا گیا تھا۔

وزارت داخلہ کے ایک حالیہ بیان کے مطابق، وفاقی وزیر برائے داخلہ بریگیڈ (ر) اعجاز احمد شاہ نے ترک سفیر احسان مصطفیٰ اوردہکول سے ملاقات کی اور مل کر کام کرنے اور دوطرفہ تعلقات کو مستحکم کرنے کا عزم کیا۔

بیان میں مزید کہا گیا کہ ترک سفیر نے اپنی حکومت کی جانب سے دونوں ممالک کو شہریوں کو دوہری شہریت دینے کے خیال سے متعلق معاہدے پر دستخط کرنے کی تجویز پیش کی۔

ترکی کا مشرقِ وسطیٰ میں امن کا امریکی منصوبہ تسلیم کرنے سے انکار

“اس کے جواب میں ، وزیر داخلہ نے کہا کہ اس مسودے پر غور ہورہا ہے اور وزارت خارجہ ہمارے ساتھ ہے ، ہمیں امید ہے کہ جلد ہی باہمی نتیجے پر پہنچ جائیں گے۔”

ترک سفیر نے بھی اس امید کا اظہار کیا کہ مطلوبہ نتائج حاصل کرنے کے لئے اس عمل میں تیزی لائی جائے گی۔خیال رہے کہ   صدر رجب طیب اردوان رواں ماہ کے دوران پاکستان کا دورہ کرنے والے ہیں   اور ان کے ہمراہ ایک بڑا وفد بھی آئے گا۔

وزیر داخلہ  نے  وزیر کو یہ بھی بتایا کہ کراچی میں ترک قونصل خانہ ، جو اب بھی زیرتعمیر ہے ، دنیا میں کہیں بھی تعمیر کیا جانے والا  یہ سب سے بڑا ادارہ ہے۔

جس کے جواب میں  تک سفیر نے کہا کہ “کراچی کے سب سے بڑے ترک قونصل خانے کے بارے میں جان کر خوشی ہوئی ،” اور عمارت کے بروقت عمل کو یقینی بنانے کے لئے ہم اپنے آخر سے کسی قسم کی مدد فراہم کریں گے۔