وفاقی کابینہ نے یوٹیلیٹی اسٹورز کو 10 ارب روپے کی مزید سبسڈی دینے کی منظوری دے دی گئی ہے۔

تفصیلات کے مطابق وفاقی کابینہ کے آج ہونے والے اجلاس میں یوٹیلیٹی اسٹورز کو 10 ارب روپے کی مزید سبسڈی دینے کی منظوری دی گئی ہے جبکہ یوٹیلیٹی اسٹورز کو رمضان میں مزید 5 ارب روپے  بھی دیے جائیں گے۔

وزیر اعظم کا کہنا ہے کہ یوٹیلیٹی اسٹورز پر 10 سے 25 فیصد تک اشیاء خوردونوش سستی ہوں گی  جبکہ یوٹیلیٹی اسٹورز کو  1 لاکھ ٹن چینی بھی دی جائے گی ۔

دوسری جانب جلاس میں 14نکاتی ایجنڈے پر غور کیا گیا، وزیراعظم نےگیس اوربجلی کی قیمتیں بڑھانےکی مخالفت کردی اور کہا عوام پرمہنگائی کاپہلےہی بوجھ ہےمزیدبوجھ نہیں ڈال سکتے

وزیر اعظم کا مہنگائی روکنے کے لئے 15 ارب کے پیکج کا اعلان

اجلاس میں مہنگائی میں کمی سے متعلق بڑے فیصلوں سمیت 15 ارب ریلیف پیکج کی منظوری دے دی گئی جبکہ وزیراعظم نے ای سی سی کےچینی کی درآمد کے فیصلے کو منسوخ کرتے ہوئے چینی کی برآمد پر پابندی کے فیصلے کی توثیق کردی اور کہا چینی کے معاملے پر عوام کو پریشان نہیں ہونے دوں گا۔

اجلاس میں دالوں پرامپورٹ ڈیوٹی ختم کرنے کا فیصلہ کیا گیا ، فیصلے سے ملک بھرمیں دالوں کی قیمت کم کردی جائے گی جبکہ 50ہزارنوجوانوں کویوتھ اسٹورز کے لئے قرض دینے کی بھی منظوری دی گئی۔

ذرائع کے مطابق کابینہ اجلاس میں یوٹیلیٹی اسٹورز کی تعداد بڑھانے اور احساس پروگرام کے اشتراک پربھی بات ہوئی جبکہ کابینہ کو گندم آٹا بحران پر تحقیقات کی پیش رفت سے آگاہ کیا گیا۔

گذشتہ روز وزیراعظم عمران خان نے مہنگائی روکنے کے لئے 15 ارب کی سبسڈی منظور بڑے پیکج کا اعلان کردیا تھا۔

اجلاس میں وزیراعظم عمران خان نے فیصلہ کیا ہے کہ یوٹیلیٹی اسٹورز کو 15 ارب کا پیکج، بینظیرانکم سپورٹ پروگرام کے ذریعے خصوصی راشن کارڈ جائے گا۔

اجلاس میں عمران خان نے کہا ہے کہ  حکومت غریب کی  تکلیف  پر حکومت خاموش تماشائی نہیں بن سکتی جبکہ حکومتی ترجمانوں کو بھی اجلاس میں عوام ک وفوری ریلیف دینے کے لئے مختلف تجاویز پرغور کرنے کی ہدایت کردی گئی۔