وزیراعظم عمران خان نے کہا ہے کہ کشمیریوں کے حق میں پرمظالم کیخلاف آواز بلند کرنے پر ترک صدر رجب طیب اردوان کا مشکور ہوں۔

تفصیلات کے مطابق وزیراعظم عمران خان نے ترک صدر کے ساتھ  مشترکہ نیوزکانفرنس کرتے ہوئے کہا کہ ترک صدرکوخوش آمدید کہتا ہوں اور ترک صدرکی کشمیرسےمتعلق تقریر مجھے بے حد پسند آئی۔

اپنے بیان میں عمران خان نے کہا کہ 80 لاکھ کشمیری 6ماہ سے محاصرے میں ہیں جبکہ کشمیری نوجوانوں کوجیلوں میں رکھاگیاہے اور تمام عالمی امورپرپاکستان اورترکی کایکساں موقف ہے ،  پاک ترک معاہدوں سے دونوں ملکوں کو فائدہ ہوگا۔

عمران خان نے یہ بھی کہا کہ اسلاموفوبیاکیخلاف ترک فلم انڈسٹری سےاستفادہ کرناچاہتےہیں، ہرمسئلے میں پاکستان کاساتھ دینے میں ترکی کامشکورہوں۔

وزیراعظم عمران خان نے مزید کہا کہ پاکستان اورترکی تجارتی تعلقات میں نیادور آرہاہے جبکہ ترک فلم انڈسٹری کافی بہترہوچکی ہے اور آج ہونے والےمعاہدوں سےدونوں ممالک کوفائدہ ہوگا۔

مشترکہ نیوزکانفرنس  کے موقع پر ترک صدررجب طیب اردوان نے کہا کہ کشمیر کی صورتحال پر تشویش ہے اور ہم  کشمیرکے مسئلے کاحل چاہتے ہیں۔

ترک صدر  نے کہا کہ دہشتگردی کیخلاف جنگ میں پاکستان کےکردارکےمعترف ہیں اور 13معاہدے پاک ترک قریبی تعلقات کا مظہر ہیں۔

پاکستان آکرلگتا ہے اپنےگھرمیں ہی ہوں، ترک صدر

رجب طیب اردوان نے یہ بھی کہا کہ اسٹریٹجک تعاون کونسل پاک ترک تعاون میں بہت اہم ہے اس لئے اسٹریٹیجک اکنامک فریم ورک بھی تیارکرلیاگیاہے۔

ترک صدر رجب طیب اردوان نے مزید کہا کہ 3 سال بعد پاکستان کادورہ کرکے دلی مسرت ہوئی اور پاکستان ہمارابھائی ہےہم مشکل میں ساتھ کھڑے ہوں گے۔

واضح رہے اس سے قبل یراعظم عمران خان سے ترک صدر طیب اردوان کی ون آن ون ملاقات ہوئی تھی۔

ترک صدر رجب وزیراعظم ہاؤس پہنچے تو وزیراعظم عمران خان نے ترک صدر کا استقبال کیا تھا ، ملاقات میں دو طرفہ امور،مسلم امہ کے مسائل ،خطے کی صورتحال پر تبادلہ خیال کیا گیا تھا۔