وزیراعلیٰ پنجاب عثمان بزدار نے کہا ہے کہ اورنج لائن پر بھاری سبسڈی دیں یا اسپتال و اسکول چلائیں۔

وزیراعلی پنجاب عثمان بزدار نے اورنج لائن ٹرین کے بارے میں ٹوئٹ کرتے ہوئے کہا ہے کہ اورنج لائن ٹرین کا قرض واپس کرنے کےلیے اربوں روپے سالانہ دینے پڑیں گے۔

 اگر 60 روپےکا ٹکٹ بھی رکھیں تو صرف ٹرین کو چلانے کےلیے 10 ارب روپے سالانہ سبسڈی دینی پڑےگی۔

اورنج لائن ٹرین کا قرض واپس کرنے کےلیے اربوں روپےسالانہ دینےپڑیں گے، اور اگر 60روپےکا ٹکٹ بھی رکھیں تو صرف ٹرین کو چلانے(O&M) کےلیے 10 ارب سالانہ سبسڈی دینی پڑےگی

Advertisement

کیا ہم اس رقم سےہسپتال و سکول چلائیں یا یہ سبسڈی دیں؟ کابینہ نےفیصلہ اسمبلی بھیجا ہےتاکہ عوامی نمائندوں کافیصلہ آئے

— Usman Buzdar (@UsmanAKBuzdar) February 18, 2020

عثمان بزدار نے سوال اٹھایا کہ کیا ہم اس رقم سے اسپتال و اسکول چلائیں یا یہ سبسڈی دیں؟، کابینہ نے فیصلہ صوبائی اسمبلی بھیجا ہے تاکہ عوامی نمائندوں کافیصلہ آئے۔اورنج لائن پاکستان کی پہلی الیکٹرک ٹرانسپورٹ میٹروٹرین ہے جس کے آزمائشی سفر کا تجربہ کرلیا گیا ہے۔

ٹرین ڈیرہ گوجراں جی ٹی روڈ سے علی ٹاؤن ٹھوکرنیازبیگ تک 27 کلومیٹر کا فاصلہ 27 اسٹیشنوں پر رُکتے ہوئے 45 منٹ میں طے کرے گی۔ اس میں روزانہ کی بنیاد پرساڑھے 3 سے 4 لاکھ لوگ سفر کریں گے۔

اس منصوبے کو دسمبر2017 میں مکمل ہونا تھا لیکن 4 سال ایک ماہ کے عرصے میں مکمل ہوا اور اس پر 264 ارب روپے کی لاگت آئی۔

 خیال رہے کہ  پاکستان اور چین   کے درمیان  مئی  2014 م میں  اورنج  لائن  ٹرین  بنانے کا معاہدہ  ہوا تھا۔