وزیر اعلی بلوچستان جام کمال نے سمنگلی پی اے ایف بیس فلائی اوور کا سنگ بنیاد رکھ دیا ہے۔

تفصیلات کے مطابق وزیر اعلی بلوچستان جام کمال  کا کہنا ہے کہ بلوچستان کی ترقی کے لئے حکومت اور افواج ایک پیج پر ہیں۔

  تقریب  میں  وزیر اعلی  بلوچستان ، ائر وائس مارشل  عباس گھمن  ،صوبائی وزراء اور اراکین اسمبلی سمیت پاک فضائیہ کے جوانوں نے شرکت کی، مہمان خصوصی نے تقریب سے خطاب  میں کہا کہ اس منصوبے کا سحرا اتحادی جماعتوں کو بھی جاتا ہے  جبکہ پی اے ایف حکام کی دیگر ضروریات کو بھی دیکھا جائے گا۔

کراچی میں ٹریفک کی بہتری کے لیے کئی سڑکیں ون وے کرنے کا حکم

کوئٹہ کے سمنگلی روڈ مغربی بائی پاس پر ٹریفک کی روانی میں روز بروز اضافہ ہوتا جا رہا ہے یہاں سے گزرنے والی ہیوی وہیکل سمیت عام پبلک کو علاقے میں موجود پی اے ایف بیس سے نکلنے والی ٹریفک کے دوران اکثر ٹریفک جام کا مسلہ درپیش رہا اس مسلے کو مدنظر رکھتے ہوئے حکومت نے علاقے میں فلائی اوور بنانے کا فیصلہ کیا گیا ہے۔

تقریب میں بتایا گیا ہے کہ فلائی اوور پی اے ایف بیس 26 کروڑ روپے  کی لاگت  سے جون 2021 میں مکمل کیا جائے گا جس کی لمبائی تقریبا ایک کلو میٹر تک ہے۔

دوسری جانب وزیراعلئ بلوچستان جام کمال خان نے اپنے ایک ٹوئٹ میں کہا ہے کہ حکومت بلوچستان اور چائلڈ لائف فاؤنڈیشن کے مابین سول اسپتال کوئیٹہ کے چلڈرن وارڈمیں ارلی چائلڈ کیئر سینٹر کے قیام کا منصوبہ تکمیل کے آخری مراحل میں ہے۔

In 2019 we thought of it, In June 2019 we signed MOU,in Agust we started and Alhamdulilah today it started its initial work an soon shall be completed.#EarlychildCare #Quetta and inshallah we shall take it to divisional/Districts

Alhamdulilah we promissed and we delivered pic.twitter.com/cuZJ822nqi

— Jam Kamal Khan (@jam_kamal) February 12, 2020

انہوں نے کہا ہے کہ وارڈ کو جلد مکمل طور پر فعال کر دیا جاۓ گا صوبائ حکومت اور چائلڈ لائف فاؤنڈیشن کے درمیان گزشتہ سال جون میں منصوبے کے حوالے سے معاہدہ طے پایا تھا جس پر اگست 2019 میں کام کا آغاز کیا گیا تھا۔

وزیراعلئ نے منصوبے کی پیش رفت پر اطمینان کا اظہار کر تے ہوۓ کہا ہے کہ ایسے سینٹرز صوبے کے دیگر اضلاع میں بھی قائم کیۓ جائیں گے واضع رہے کہ منصوبے کا مقصد کمسن بچوں کے لیۓ ایمرجنسی بنیادوں پر علاج کی سہولت کی دستیابی ہے جسکے زریعہ کمسن بچوں کی شرح اموات پر قابو پانا ہے۔