وزیراعظم عمران خان  نے کہا ہے کہ مقبوضہ کشمیر کی صورتحال پر عالمی برادری کردار ادا کرے۔

تفصیلا ت کے مطابق وزیراعظم عمران خان سے آل پارٹی پارلیمنٹری کشمیر گروپ برائے یوکے پارلیمنٹ کے وفد کی ملاقات ہوئی۔

ملاقات میں مقبوضہ کشمیر کی صورتحال پر تبادلہ خیال کیا گیا جبکہ وزیر اعظم نے برطانوی پارلیمانی وفد کو مقبوضہ کشمیر میں انسانی حقوق کی خلاف ورزیوں سے آگاہ کیا۔

اس موقع پر عمران خان   نے کہا کہ پانچ اگست کے بھارتی غیر قانونی غیر انسانی اقدام کے بعد سے اب تک کشمیر عوام کرفیومیں ہے۔

وزیراعظم عمران خان   نے یہ بھی کہا کہ مقبوضہ کشمیر کی صورتحال پر عالمی برادری کردار ادا کرے اور اقوام متحدہ کشمیری عوام سے کئے گئے وعدوں کی تکمیل کرے۔

آل پارٹی پارلیمنٹری کشمیر گروپ برائے  رکن برطانوی پارلیمنٹ ڈیبی ابراہم وفد کی قیادت کررہی تھیں جبکہ وزیر کشمیر امور اور سیکرٹری خارجہ بھی ملاقات میں شریک ہوئے۔

حکومت کی جانب سے پٹرول اور گیس صارفین کے لئے خوشخبری

واضح رہے اس سے قبل بھی وزیراعظم عمران خان سے ملٹی نیشنل ٹیلی کمیونیکیشن سروسز کمپنی وی آن کے چیف آپریشنز آفیسر سرگی ہیریرو نے ملاقات کی تھی ۔

 اس موقع پر عمران خان نے وی آن کے پاکستان کےساتھ طویل تعلق کوسراہا  اور کہا کہ وی آن نے پاکستان میں 9 ارب ڈالر کی سرمایہ کاری کی نے 9 ارب ڈالر کی سرمایہ کاری کی ہے اور اپنی کثیر الجہتی خدمات کے ساتھ 6 کروڑ صارفین کو سروسز فراہم کررہی ہے۔

وزیراعظم نے کہا  تھا کہ پاکستان میں مواصلات اور توانائی کے شعبوں میں سرمایہ کاری کے وسیع مواقع موجود ہیں، حکومت کاروبار کو آسان بنانے پر اپنی توجہ مرکوز کئے ہوئے ہے اور اس نے آزاد سرمایہ کاری پالیسی اختیار کی ہے جس کو بین الاقوامی مالیاتی اداروں کی طرف سے سراہا جا رہا ہے۔

عمران خان نے  یہ بھی کہا  تھا کہ موجودہ حکومت نے ”ڈیجیٹل پاکستان“ کا منصوبہ شروع کیا جس کا مقصد نوجوانوں کو ایک پلیٹ فارم مہیا کرنا ہے تاکہ وہ آزادانہ طور پر کام کرکے ملک کی اقتصادی ترقی میں اپنا کردار بھرپور طریقہ ادا کر سکیں۔