وزیر اعظم عمران خان نے کہا ہے کہ معیشت کو استحکام فراہم کرنے کے بعد حکومت کی تمام تر توجہ عوام کو ریلیف کی فراہمی پر مرکوز ہے۔

تفصیلا ت کے مطابق وزیر اعظم عمران خان سے ہزارہ ڈویژن سے تعلق رکھنے والے ممبران قومی اسمبلی کی ملاقات ہوئی۔

ملاقات میں ممبران نے وزیرِ اعظم کو اپنے حلقوں میں عوام کو درپیش مسائل اور ترقیاتی منصوبوں کی ضرورتوں سے آگاہ کیا۔

وزیراعظم نے عوامی ریلیف کے حوالے سے کہا کہ موجودہ حکومت نے نہایت مشکل اور نامساعد  معاشی حالات میں حکومت کی باگ ڈور سنبھالی اور اب حکومت مہنگائی پر قابو پانے کے لئے انتظامی طور پر ہر ممکنہ اقدام اٹھا رہی ہے

عمران خان نے یہ بھی کہا کہ طلب و رسد کے حوالےسے جامع منصوبہ بندی پر بھی خصوصی توجہ دی  جا رہی ہےاور مہنگائی پر موثر  طور پر قابو پانے کے لئے یونین کونسل کی سطح پر پرائس کنٹرول کمیٹیاں تشکیل دی جائیں۔

وزیراعظم کا یہ بھی کہنا تھا کہ ماضی میں بجلی و گیس کے منصوبوں میں  سیاسی وابستگیوں کو بنیاد بنایا جاتا تھالیکن موجودہ حکومت بجلی اور گیس کے شعبے میں ماضی  کی غلط پالیسیوں کی وجہ سے ہونے والے نقصانات پر قابو پانے کی کوشش کر رہی ہے۔

وزیر اعظم سے آل پارٹیز حریت کانفرنس کے وفد کی ملاقات

 عمران خان نے کہا کہ پاکستان میں سیاحت کا بے انتہا صلاحیت موجود ہے اس لئے حکومت سیاحت کے فروغ پر خصوصی توجہ دے رہی ہے۔

وزیراعظم عمران خان نے مزید کہا کہ ضرورت اس امر کی ہے کہ اس پوٹینشل کو برؤے کار لایا جائےاور قدرتی حسن  اور ماحولیات کا تحفظ یقینی بنایا جائے جبکہ نوجوانوں کے لئے نوکریوں کے مواقع اور دیگر معاشی فوائد حاصل کیے جائیں۔

اس موقع پروزیر توانائی عمر ایوب خان، پرنس نواز آلائی، صالح محمد، علی خان جدون اور عظمیٰ ریاض ، ملک محمد عامر ڈوگر بھی شریک ہوئے۔