گورنر سندھ عمران اسماعیل نے  کہا ہے کہ سی پیک پاکستان کے لیے ریڑھ کی ہڈی کی حیثیت رکھتا ہے۔

تفصیلا ت کے مطابق گورنر  سندھ عمران اسماعیل نے  پورٹ قاسم پاور پراجیکٹ کا دورہ کیا  جہاں چائنیز قونصل جنرل لی بیجن نے گورنر سندھ کا استقبال کیا۔

 اس موقع پر گورنر سندھ عمران اسماعیل  کا میڈیا سے گفتگو کرتے ہوئے کہنا تھا کہ پورٹ قاسم پاور پراجیکٹ سی پیک کے تحت بننے والے پراجیکٹس میں سے ایک ہے۔

  گورنر سندھ نے کہا کہ پورٹ قاسم پاور پلانٹ چائنا اور قطر کے اشتراک  اور دو ارب ڈالر کی لاگت سے یہ پاور پراجیکٹ بنایا گیا ۔

عمران اسماعیل نے یہ بھی کہا کہ پورٹ قاسم پاور پلانٹ کے اس پراجیکٹ سے تیرہ سو میگا واٹ بجلی پیدا ہو رہی ہےاور یہ پراجیکٹ ملک کی تیرہ فیصد بجلی کی ضروریات کو پورا کر رہا ہے۔

گورنر سندھ عمران اسماعیل  نے مزید کہا کہ حکومت پاکستان کاروبار کے لیے بہترین ماحول فراہم کر رہی ہے  اور ہم پوری دنیا میں سرمایہ کاروں کو پاکستان میں سرمایاکاری کرنے کی دعوت دے رہے ہیں ۔

گورنر سندھ سے وزیر اعلی سندھ کی ملاقات

  واضح رہے اس سے قبل بھی اسلام آباد میں وزیراعظم ہائوس میں وزیراعظم عمران خان اور گورنر سندھ کی ون آن ون ملاقات میں حکومت نے آئی جی سندھ کلیم امام کو تبدیل کر کے مشتاق مہر کو آئی جی بنانے کا فیصلہ کر لیا تھا ۔

 وزیراعظم عمران خان اور گورنر سندھ کی ملاقات میں آئی جی سندھ کلیم امام کو ہٹانے اور نئے آئی جی کے لئے چند ناموں کی فہرست تیار کرلی گئی جس میں سے مشتاق مہر کا نام سرفہرست کیا گیا تھا ۔

ملاقات میں صوبے کی سیاسی اور امن و امان کی صورتحال پر بات چیت کی گئی جبکہ  گورنر سندھ نے ایم کیو ایم سے مزاکرات کے بارے میں وزیراعظم کو آگاہ کیا تھا۔

گورنر سندھ نے کہا  تھا کہ ایم کیو ایم سے ملاقات خوشگوار ماحول میں ہوئی جبکہ  وزیراعظم اور کابینہ کے فیصلے کے مطابق وزیراعلیٰ سندھ سے بات  بھی کی ہے۔

وزیراعظم نے گورنر سندھ عمران اسماعیل سے ملاقات میں کہا  تھا کہ اتحادیوں سے کیے وعدے پورے کریں گے۔