وزیر خارجہ شاہ محمود قریشی نے کہا ہے کہ برطانیہ کی جانب سے جاری کردہ ٹریول ایڈوائزری سے پاکستان میں سیاحت کے فروغ کے لئے نئی راہیں کھلیں گی۔

تفصیلات کے مطابق وزیر خارجہ شاہ محمود قریشی سے برطانوی ہائی کمشنر کی ملاقات ہوئی ہے۔

ملاقات میں وزیر خارجہ شاہ محمود قریشی نے برطانوی سفیر کو مقبوضہ کشمیر میں بھارت کی جانب سے انسانی حقوق کی خلاف ورزی کے بارے میں آگاہ کیا گیا۔

ملاقات کے دوران وزیر خارجہ شاہ محمود قریشی نے بتایا کہ برطانیہ سمیت دنیا کو مسئلہ کشمیر میں انسانی حقوق کی خلاف ورزی پر اپنا کردار ادا کرنے پر زور دیا گیا ہے۔

مسافروں کو معیاری سہولیات کی فراہمی حکومت کی اولین ترجیح ہے، اسد عمر

انہوں نے کہا کہ برطانیہ کی جانب سے پاکستان کے لیے نئی ٹریول ایڈوائزری انتہائی اہم اقدام ہے جس پر برطانوی حکومت کے شکر گزار ہیں کیونکہ کہ اس سے پاکستان میں سیاحت کے فروغ کے لئے نئی راہیں کھلیں گی۔

اس سے قبل برطانیہ اور امریکا نے پاکستان سے متعلق اپنی ٹریول ایڈوائزری تبدیل کی تھی۔

دفتر خارجہ کی ترجمان ڈاکٹر عائشہ فاروقی نے امریکا کی جانب سے ٹریول ایڈوائزری تبدیل کیے جانے کے فیصلے کا خیرمقدم کرتے ہوئے کہا تھا کہ امریکی ٹریول ایڈوائزری میں پاکستان میں امن و امان میں کو صورتحال کو بہتر تسلیم کیا گیا ہے۔

 انہوں نے کہا ہے کہ امریکی ٹریول ایڈوائزری میں تبدیلی درست سمت میں ایک قدم ہے۔

سماجی رابطوں کی ویب سائٹ ’ ٹوئٹر‘ پرجاری کردہ اپنے ایک پیغام میں ترجمان دفتر خارجہ نے کہا ہے کہ پاکستان نے سیکیورٹی کی صورتحال میں بہتری کے لیے مؤثر اقدامات اٹھائے ہیں۔

ترجمان دفتر خارجہ نے اپنے پیغام میں کہا ہے کہ اقوام متحدہ نے بھی وفاقی دارالحکومت اسلام آباد کودوبارہ اپنے عملے کے لیے فیملی اسٹیشن قراردے دیا ہے۔

وزیراعظم عمران خان اور وزیر خارجہ شاہ محمود قریشی نے برطانوی ٹریول ایڈوائزری میں بہتری کو  مثبت پیشرفت  قرار دے دیا تھا۔