کشمیر میں لاک ڈاؤن عالمی انسانی حقوق کی خلاف ورزی ہے، شیریں مزاری

سید قاسم رضا

25th Feb, 2020. 07:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیر میں لاک ڈاؤن عالمی انسانی حقوق کی خلاف ورزی ہے، شیریں مزاری

وفاقی وزیر برائے انسانی حقوق شیریں مزاری کا کہنا ہے کہ کشمیر میں جسمانی اور ڈیجیٹل لاک ڈاؤ ن عالمی انسانی حقوق کے اسٹینڈرڈ زکے خلاف ہے۔

اقوام متحدہ کے انسانی حقوق کے 43ویں اجلاس سے خطاب کرتے ہوئے وفاقی وزیر برائے انسانی حقوق ڈاکٹر شیریں مزاری نے کہا کہ چھ ماہ سے زیادہ کا عر صہ گزر گیا اور 80لاکھ کشمیری دنیا کی سب سے بڑی جیل میں بند ہیں۔

شیریں مزاری نے مزید کہا کہ عورتیں ،بچے اور جوان بھارتی افواج کے مظالم کا شکار ہیں ۔عورتوں کے ساتھ زیادتی کو ہتھیار کے طور پر استعمال کیا جاتا ہے۔

وفاقی وزیر برائے انسانی حقوق کہا کہ یہ اقوان متحدہ کی سیکیورٹی کونسل کے قوانین کے منافی ہے۔

ان کا کہنا تھاکہ 5اگست 2019 کے بعد سے کشمیر میں سیاسی رہنما ؤں، کارکنان سمیت چھ ہزار لوگوں کو گرفتار کیا گیا۔

شیریں مزاری نے مزید کہا کہ پاکستان نے دہشتگردی اور علاقائی سیکیورٹی کے چیلنجر کے باوجود ہمیشہ انسانیت کے وقار اور بالا دستی کو تر جیح دی ہے۔

وفاقی وزیر برائے انسانی حقوق کا کہنا تھا کہ پچھلے سال ہم نے کرتارپور راہداری کو کھولا اور دنیا کےسب سے بڑے گردوارے کی تعمیر کی ۔