وفاقی وزیر برائے پورٹ اینڈ شپنگ علی زیدی نے کہا ہے  کہ نیوی کی ٹٰیم نے کی پی ٹٰی ہیڈ افس اور کسٹم ہاؤس کو چیک کرکے کلئیر قرار دے دیا ۔

تفصیلات کے مطابق کراچی میں وفاقی وزیر علی زیدی نے کے پی ٹی اور کسٹم ہاؤس کے دورہ کیا اور اس موقع پر اپنے ایک بیان میں انھوں نے کہا کہ کسٹم ہاؤس میں آکسیجن لیول معمول کے مطابق ہے۔

علی زیدی کا کہنا تھا کہ واقعے سے متعلق سندھ حکومت نے ابھی تک رابطہ نہیں کیا، سعید غنی الٹے سیدھے بیان دے رہے ہیں ، ضیا الدین انتظامیہ نے کے پی ٹی سےمکمل تعاون کیا ہے

وفاقی وزیر برائے پورٹ اینڈ شپنگ علی زیدی نے  مزید کہا کہ نیوی کی تحقیقاقتی ٹیم کی روشنی میں جوڈیشل انکوائری یا کمیشن کا فیصلہ کیا جائے گا جبکہ تحقیقات ہورہی ہیں اس کے بعد ذمہ داروں کا تعین کیا جاسکے گا۔

کیماڑی ،زہریلی گیس پھیلنے سے 6 افراد جاں بحق

واضح رہے کہ کراچی کے علاقے کیماڑی میں پراسرار گیس کے اخراج سے 6 افراد جاں بحق ہوگئے جبکہ 100 سے زائد افراد متاثر ہوئے ہیں۔

دوسری جانب واقعے کی اطلاع ملتے ہی وفاقی وزیر علی زیدی، صوبائی وزیر سعید غنی، سماجی رہنما فیصل ایدھی و دیگر ہسپتال پہنچے اور صورتحال کا جائزہ لیا۔

میڈیا سے گفتگو کرتے ہوئے علی زیدی کا کہنا تھا کہ نیوکلیئر بایولوجیکل کیمیکل ڈفینس کی ٹیم نے تحقیات شروع کر دی ہیں، زہریلی گیس کہاں سے آئی جلد معلوم ہوجائیگا۔