وزیراعظم کی معاون خصوصی برائے اطلاعات ونشریا ت ڈاکٹر فردوس عاشق اعوان نے کہا ہے کہ وزیراعظم عوام سے کیے گئے وعدوں سے ایک انچ بھی پیچھے نہیں ہٹیں گے۔

تفصیلات کے مطابق وزیراعظم کی معاون خصوصی برائے اطلاعات ونشریا ت ڈاکٹر فردوس عاشق اعوان نے پریس کانفرنس سے خطاب کرتے ہوئےکہا کہ مافیاز کے گٹھ جوڑ کیخلاف وزیراعظم عمران خان کی جدوجہد آخری مراحل میں داخل ہورہی ہے۔

ڈاکٹر فردوس عاشق نے کہاکہ ماضی میں طاقتور لوگوں نے قانون کو اپنے مفاد کیساتھ جوڑا ہوا تھا،گلے سڑے نظام میں اصلاحات کیلئے چیلنجز درپیش ہیں۔

وزیراعظم کی معاون خصوصی برائے اطلاعات ونشریا ت نے یہ بھی کہا کہ آٹے کے بعد اب چینی بحران کیلئے کچھ نیٹ ورک متحرک ہیں جبکہ وزیراعظم نے آٹا بحران پر صوبائی حکومتوں کو متحرک کیا۔

ڈاکٹر فردوس عاشق اعوان کا کہنا تھا کہ ناجائز ذرائع سے اثاثے بنانیوالوں کو جوابدہ ہونا ہوگا، وزیراعظم عمران خان نے کہا کہ وہ چوروں کو نہیں چھوڑیں گے۔

اخبارات کے ملازمین کا دیرینہ مطالبہ آج پورا ہورہا ہے، فردوس عاشق اعوان

وزیراعظم کی معاون خصوصی برائے اطلاعات ونشریا ت ڈاکٹر فردوس عاشق اعوان  کا مزید کہنا تھا کہ وزیراعظم عمران خان کا عوام کیساتھ درد اور احسا س کا رشتہ ہےاس لئے وزیراعظم کی اصلاحات پالیسی کو مافیا ناکام بنانے کی کوشش کررہا ہےکیونکہ مافیا جانتا ہے کہ عمران خان کی کامیابی سے ان کی سیاسی دکانیں بند ہوجائیں گی ۔

واضح رہے اس سے قبل وزیر اعظم کی معاون خصوصی اطلاعات و نشریات ڈاکٹرفردوس عاشق اعوان نے کہا  تھا  کہ نئے پاکستان میں عوام اور ہائوسنگ و تعمیرات کے شعبہ سے وابستہ کاروباری برادری کا سرمایہ محفوظ ہے ، حکومت کی منصوبوں کے اجراء سے تکمیل تک کے عمل پر گہری نظر ہے

 ڈاکٹرفردوس عاشق اعوان نے یہ بھی کہا  تھا کہ ٹیکس کے بغیر کوئی بھی ملک چل نہیں سکتا اور معاشی ترقی کے لئے ٹیکس آکسیجن کا کام کرتے ہیں اوراسٹار مارکیٹنگ نے حکومت کے ساتھ رئیل سیکٹر کو تقویت کے لئے جو اقدامات کئے وہ قابل تعریف ہیں کیونکہ ترقی اور خوشحالی کا بنیادی قدم تعمیراتی شعبہ سے منسلک ہے۔