وفاقی وزیر داخلہ اعجاز احمد شاہ کی فرانس کے سفیر سے ملاقات ہوئی۔

ملاقات میں باہمی امور اور سکیورٹی سے متعلق معاملات کو زیر غور لایا گیا جبکہ کرونہ وائرس اور دیگر موجودہ مسائل سے متعلق تبادلہ خیال کیا گیا۔

وزیر داخلہ اعجازاحمدشاہ نے کہا کہ سکیورٹی اور داخلی امور میں کارکردگی کو مزید بہتر کرنے کے لئے کام کر رہے ہیں، باہمی امور کی بہتری کے لئے ہر ممکن تعاون کریں گے۔

ملاقات میں فرانس کے سفیر نے  مشترکہ امور کے سلسلے میں جاری ٹریننگز جاری رکھنے کا عزم کرتے ہوئے کہا کہ مشترکہ ٹریننگز کے انعقاد کا مقصد مسائل کا سامنہ کرنے کی صلاحیت کو بہتر بنانا ہے۔

اس موقع پر وفاقی وزیر داخلہ اعجاز احمد شاہ نے فرانس کے سفیر  کے اس اقدام کا خیر مقدم کیا جبکہ ملاقات کا اختتام باہمی امور کو مزید مستحکم کرنے کی امید پر ہوا۔

وزیر داخلہ کی برطانیہ کے نئے ہائی کمشنر سے ملاقات

 واضح رہے کہ گزشتہ روز وزیر داخلہ اعجاز شاہ سے امریکی نائب معاون وزیر خارجہ ایلس ویلز کی ملاقات ہوئی تھی ۔ ملاقات میں سکیورٹی اور داخلی سلامتی سےمتعلق امور پر تبادلہ خیال کیا گیا تھا ۔

اس موقع پر وزیرداخلہ کا کہنا تھا کہ غیر قانونی طور پر بیرون ملک مقیم پاکستانیوں کے مسئلے کو تسلی بخش حد تک حل کر لیا گیا ہے- ایلس ویلز نے کہا کہ ہم حکومت کے تعاون کو سراہتے ہیں، ہم ایک پختہ نظام اور طریقہ کار مرتب کرنا چاہتے ہیں جس سے آنے والے وقت میں بھی مستفید ہوا جا سکے۔

وزیر داخلہ اعجاز احمد شاہ نے اس تجویز کا خیر مقدم کیا۔ وزیر داخلہ نے کہا تھا کہ پاسپورٹ اور دیگر سفری دستاویزات کی تصدیق کے عمل کے لئے لائحہ عمل مرتب کر لیا گیا ہے۔ نومبر، دسمبر اور جنوری کے مہینوں میں حل کئے جانے والے کیسز کی رپورٹ امریکی سفارت خانے کو جاری کر دی گئی ہے۔