یو این سیکرٹری جنرل انتونیو گوتریس نے کہا ہے کہ دنیا سے پولیو کا خاتمہ اولین ترجیح ہے جس کیلئے اقوام متحدہ جامع اقدامات کررہاہے۔
تفصیلات کے مطابق اقوام متحدہ کے سیکرٹری جنرل جنرل انتونیو گوتریس نے لاہور کے مقامی ا سکول میں پانچ سال سے کم عمر بچوں کو پولیو سے بچاؤ کے قطرے پلائے۔
اس موقع پر صحافیوں سے گفتگو کرتے ہوئے یو این سیکرٹری جنرل نے کہا کہ پولیو کی مہلک بیماری سے مشترکہ مسلسل کوششوں کے ذریعے نمٹا جاسکتا ہے۔
اقوام متحدہ کے سیکریٹری جنرل کا کرتار پور کا دورہ
اقوام متحدہ کے سیکرٹری جنرل جنرل انتونیو گوتریس نے حکومت پاکستان اور حکومت پنجاب کو پولیو کے مہلک وائرس کے خاتمے کے اقدامات پر سراہا اور کہا کہ اس بات کو تسلیم کیا کہ اب پاکستان پہلے سے محفوظ ملک بن گیا ہے۔
یاد رہے کہ متواتر کیسز سامنے آنے کے بعد ملک گیر انسداد پولیو مہم کا آغاد کردیا گیا تھا، جس میں لاکھوں بچوں کو موذی مرض سے بچاؤ کےقطرے پلائے جائیں گے۔
وزارت صحت کے مطابق ملک گیر انسداد پولیو مہم کے دوران 39 ملین سے زائد بچوں کو پولیو سے بچاؤ کے قطرے پلائے جائیں گے، جس میں 2 لاکھ 65 ہزار پولیو ورکرز حصہ لیں گے۔
خیال رہے کہ رواں سال ملک بھر میں پولیو کے 12 کیسز رپورٹ ہوچکے ہیں۔ سندھ سے 5، خیبرپختونخوا سے 6 اور بلوچستان سے ایک کیس رپورٹ ہوئے ہیں۔ گزشتہ برس رکارڈ ہونے والے پولیو کیسز کی تعداد 144 تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News