وزیر داخلہ اعجاز احمد شاہ نے کہا ہے کہ سکیورٹی کی صورتحال میں واضح حد تک بہتری آئی ہے ۔

 تفصیلات کے مطابق وزیر داخلہ اعجاز احمد شاہ سےچیک سفیر سمیٹنکا ٹومس کی  ملاقات ہوئی،ملاقات میں باہمی امور کے معاملات کو زیر بحث لایا گیا ۔

اس موقع پر وزیر داخلہ اعجاز احمد شاہ  نے کہا کہ اسلام آباد دنیا کے محفوظ ترین دارلحکموتوں میں شمار ہوتا ہےجبکہ پاکستانی قوم ایک پرامن قوم ہے اور ہم دنیا بھر کو امن کا پیغام دیتے ہیں۔

وزیر داخلہ اعجاز احمد شاہ نے یہ بھی کہا کہ سیاحت کے فروغ کے لئے اس حکومت نے بہت کام کیا ہےاور ویزہ پالیسی میں بھی  بہتری لائی گئی ہے۔

ملاقات میں چیک سفیر نے کہا کہ پاکستان میں گزشتہ 6 ماہ بہت اچھے گزرے ہیں،باہمی امور میں تعاون بہتر بنانے کے لئے دوطرفہ لائحہ عمل چاہتے ہیں۔

سفیر کی جانب سے پاکستان میں موجود چیک قیدی تک قونصلیٹ رسائی کی درخواست کی گئی جس پر وزیر داخلہ اعجاز احمد شاہ کی جانب سے ضروری اقدامات کرنے اور اجازت کی ہدایت کی گئی ۔

   ملاقات میں چیک سفیر سمیٹنکا ٹومس نے وزیر داخلہ کے تعاون اور وقت دینے کا شکریہ ادا کیا۔

اعجاز احمد شاہ سے تر کی کے ڈپٹی وزیرداخلہ کی ملاقات

واضح رہے اس سے قبل وفاقی وزیر داخلہ اعجازاحمد شاہ نے میڈیا سے گفتگو کرتے ہوئے کہا  تھا کہ وزیراعظم عمران خان کی ہدایت پر 5 فروری کو پوری قوم کشمیریوں کے ساتھ بھرپور یکجہتی کا اظہار کرے گی اور بھارت کا اصل چہرہ دنیا کے سامنے بے نقاب کریں گے۔

وفاقی وزیر داخلہ  نے کہا تھا کہ بھارتی افواج کئی دہائیوں سے کشمیریوں پر مظالم ڈھا رہی ہے اور گزشتہ 6 ماہ سے مسلسل کرفیو نے کشمیریوں کی زندگیاں اجیرن کر رکھی ہیں۔

اعجازاحمد شاہ نے یہ بھی کہا تھا کہ پاکستان خطے میں قیام امن کے لئے ہر ممکن اقدامات کرے گا، حکومت اور اتحادیوں میں کوئی اختلاف نہیں ہیں،اتحادیوں کے تمام تحفظات دور کئے جائیں گے۔

اپنے بیان میں اعجازاحمد شاہ نے مزید کہا تھا کہ حکومت نیجب اقتدار سنبھالا تو ملکی خزانہ خالی تھا،حکومتی پالیسیوں کی وجہ سے ملکی معیشت مسلسل بہتری کی طرف گامزن ہے،انشاء اللہ آنے والا وقت ترقی اور خوشحالی کا ہو گا۔