پاکستان کی جانب سے امریکا، افغان طالبان امن معاہدے کے اعلان کا خیرمقدم کیا گیا ہے۔

سماجی رابطے کی ویب سائٹ پر اپنے پیغام میں پاکستان کی ترجمان وزارت خارجہ ڈاکٹر عائشہ نے کہا ہے کہ 29 فروری کو امریکا طالبان معاہدہ ہوتے دیکھ رہے ہیں، معاہدے کے بعد انٹرا افغان مذاکرات بھی ہوں گے، امید ہے کہ اس معاہدے سے افغانستان میں امن کی راہ ہموار ہوگی۔

#Pakistan welcomes the announcement regarding the U.S.-Taliban agreement. pic.twitter.com/7vu2WNsbX6

— Ministry of Foreign Affairs – Pakistan (@ForeignOfficePk) February 21, 2020

ان کا کہنا تھا کہ پاکستان امن مذاکرات کے عمل میں اپنا بھرپور کردار ادا کرتارہا ہے گا اور اس  امن معاہدے سے خطے میں امن و استحکام کے امکانات روش ہوگئے ہیں۔

قبل ازیں کامیاب مذاکرات کے بعد طالبان اور امریکا نے بات چیت سے متعلق وضاحت جاری کردی۔ امریکا اور طالبان نے افغانستان سے غیر ملکی فوجیوں کے انخلا پر اتفاق کرلیا گیا ہے۔

مذاکرات پر دستخط29فروری کو ہوں گے، مذاکرات میں فریقین کے درمیان شرائط رکھی گئی ہیں کہ دونوں پارٹیاں دستخط سے پہلے سازگار ماحول کو یقینی بنائیں گی۔ مختلف ممالک اور نمائندگان تنظیم کو دستخط کی تقریب میں بلایا جائے گا۔

خیال رہے کہ گزشتہ سال 8 ستمبر کو امریکی صدر ڈونلڈ ٹرمپ نے طالبان کی جانب سے کابل حملے کی ذمہ داری قبول کرنے کے بعد امن مذاکرات منسوخ کر دیے تھے۔ جس کے دوبارہ ماحول سازگار بنایا گیا۔

دوسری جانب امریکی وزارت داخلہ کے سیکریٹری مائیک پومپیو نے بھی معاہدے پر طالبان کے رضامند ہونے کی تصدیق کی اور انہوں نے مذاکرات کی کامیابی پر مسرت کا اظہار بھی کیا۔