چیئرمین پیپلزپارٹی بلاول بھٹو زرداری نے کہا ہے کہ وزیراعظم مان لیں کہ وہ نااہل اورسلیکٹڈ ہیں۔

تفصیلات کے مطابق چیئرمین پیپلزپارٹی بلاول بھٹو زرداری نے  قومی اسمبلی میں اظہار خیال کرتے ہوئے کہا کہ موجودہ حکومت آنےکےبعدمہنگائی اوربےروزگاری میں بہت اضافہ ہوا، مہنگائی سےہرطبقہ پریشان ہے۔

بلاول بھٹوزرداری نے  اپنے  بیان میں کہا کہ ایوان میں چھوٹے وزیر بیٹھےہیں، اہم ایشوز پر بات ہورہی ہے، پارلیمنٹ میں سینئر وزیر ہی موجود نہیں ۔

چیئرمین پیپلزپارٹی نے یہ بھی کہا کہ پی ٹی آئی آئی ایم ایف ڈیل کے بعد پاکستان کی معیشت پاکستان کی نہیں رہی ،ماضی میں قرض لینےپرخودکشی  کرنے کی بات کی گئی، اسٹیٹ بینک کی رپورٹ ہےحکومت نے15ماہ میں 11ہزارارب قرض لیا۔

بلاول بھٹو کا کہنا تھا کہ دالوں کی قیمتوں میں 83فیصد اضافہ ہو ا جبکہ ٹماٹرکی قیمت میں 158فیصد اضافہ ہوا، یہ میرانہیں حکومت کے ادارہ شماریات کا ڈیٹا ہے۔

کراچی تجاوزات: سندھ حکومت کا بلاول بھٹو کے زیر صدارت ہنگامی اجلاس

بلاول بھٹو زردارکا یہ بھی کہنا تھا کہ وزیراعظم کہاکرتےتھےمہنگائی بڑھتی ہےتوحکومت کرپٹ ہوتی ہے جبکہ ادارہ شماریات کی رپورٹ یہی کہتی ہے کہ مہنگائی اوربےروزگاری میں اضافہ ہوا ہے۔

چیئرمین پیپلزپارٹی نے قومی اسمبلی میں اظہار خیال کرتے ہوئے کہا کہ بی آئی ایس پی پاکستان کا کامیاب پروگرام ہے جس کی دنیا میں پہچان ہے، بی آئی ایس پی سے 9 لاکھ لوگوں کو نکالا گیا تاریخ یاد رکھے گی۔

اپنے بیان میں بلاول بھٹو زرداری نے  یہ بھی کہا کہ احساس کے نام پر موجودہ حکومت شہیدوں کے کام کا کریڈٹ لینا چاہتی ہے، احساس کے نام پر مذاق کیا جارہا ہے، بجٹ پیش کیا گیا تو کہا تھا یہ عوام کے معاشی حقوق پر حملہ ہے، حکومت کی ذمہ داری ہوتی ہے عوام کے معاشی حقوق کی حفاظت کرے۔

چیئرمین پیپلزپارٹی بلاول بھٹو زرداری نے  مزید کہا کہ عوام کے حقوق پر سودے بازی کرنے سے مسائل بڑھتے ہیں، 7 ماہ میں تقریباً 400 ارب روپے کا ٹیکس شارٹ فال ہے، حکومت کی معاشی پالیسیاں عوام دشمن ہیں۔