اسلام آباد ہائی کورٹ نے عورت مارچ کے حق میں فیصلہ سناتے ہوئے درخواستیں خارج کردیں۔

تفصیلات کے مطابق اسلام آباد ہائیکورٹ نے عورت مارچ پر محفوظ فیصلہ سناتے ہوئے دونوں درخواستیں خارج کردیں، اسلام آباد ہائیکورٹ نے  عورت مارچ کے حق میں فیصلہ سناتے وئے کہا ہے کہ عورت مارچ کے خلاف دونوں درخواستیں میرٹ پر نہیں ہیں۔

اسلام آباد ہائیکورٹ نے دو صفحات پر مشتمل تحریری فیصلہ جاری کردیا، حکم نامہ 2 درخواست گزاروں کو اوپن کورٹ میں سنایا گیا۔

حکم نامے کے مطابق پارلیمانی کمیٹی میں معاملے کو لے جایا جاسکتا ہے، اسلام آباد ہائیکورٹ کے اختیارات محدود ہیں، معاملے کو سپریم کورٹ میں بھی پیش کیا گیا ہے۔

انہوں نے ریمارکس دیتے ہوئے کہاکہ عورت مارچ کرنے والی خواتین نے پریس کانفرنس میں واضح کردیا ہے کہ وہ اسلام میں دئیے گئے اپنے حقوق مانگ رہی ہیں۔

مذہبی جماعتوں کا ’عورت مارچ‘ کے مقابلے میں ’حیا مارچ‘ کا اعلان

عدالت نے درخواست سے متعلق 8 صفحات پر مشتمل تحریری فیصلہ جاری کردیا۔

واضح رہے کہ اس سے قبل عورت مارچ کے حوالے سے پاکستان الیکٹرونک میڈیا ریگولیٹری اتھارٹی (پیمرا) کی جانب سے تمام نیوز چینلز کو ہدایات کا نوٹس جاری کردیا۔

 پیمرا کی جانب سے عورت مارچ کے حوالے سے جاری کردہ خصوصی نوٹس میں کہا گیا ہے کہ کچھ نیوز چینلز عورت مارچ سے متعلق متنازعہ مواد نشر کررہے ہیں جبکہ ایسا مواد نشر کرنا مذہبی، معاشرتی، ثقافتی اقدار کے خلاف ہے اس لئے تمام ٹی وی چینلز لاہور ہائیکورٹ کے فیصلے پر عملدرآمد کریں۔

پیمرا کا کہنا تھا کہ متنازع موادنشر کرنامذہبی، اخلاقی، سماجی، ثقافتی طور پر غیر مناسب ہے، خواتین سے متعلق متنازع مواد سےعوام کے جذبات مجروح ہوتے ہیں اسی سبب ایسا مواد ٹی وی چینلز پر نشر نہیں کیا جاسکتا۔

8 مارچ، خواتین کا عالمی دن

 خواتین کا عالمی دن ہر سال 8 مارچ کو منایا جاتا ہے۔ یہ دن خواتین کے حقوق اجاگر کرنے کے حوالے سے مختص ہے۔

امریکہ میں سوشلسٹ پارٹی کی جانب سے 1909 میں 28 فروری کو خواتین کا دن منایا گیا جس کے بعد 1910 میں خواتین کے حوالے سے ایک عالمی کانفرنس میں تجویز کیا گیا کہ یہ دن سالانہ طور پر منایا جانا چاہیے۔ اس کانفرنس میں 17 ممالک کی 100 خواتین نے اس خیال کو متفقہ طور پر منظور کیا۔

یہ پہلی مرتبہ 1911 میں آسٹریا، ڈنمارک، جرمنی اور سوئٹزر لینڈ میں منایا گیا۔ اس حساب سے رواں برس 108 یوم خواتین منایا جا رہا ہے۔