پاکستان مسلم لیگ ن کے سربراہ اور اپوزیشن لیڈر شہباز شریف نے وطن واپسی کا فیصلہ کرلیا ہے۔

اس اعلان کی تصدیق پاکستان مسلم لیگ ن کی ترجمان مریم اورنگزیب نے اپنے پیغام میں بھی کی ہے، انہوں نے سوشل میڈیا پر کہا ہے کہ پاکستان مسلم لیگ (ن) کے صدر اور قائد حزب اختلاف شہباز شریف نے آج رات وطن واپس آنے کا فیصلہ کیا ہے، وہ آج رات اسلام آباد پہنچیں گے۔

ان کا کہنا تھا کہ کورونا وائرس کے پھیلاؤ کی صورتحال کے پیش نظر شہباز شریف نے وطن واپسی کا فیصلہ کیا ہے۔

محمد نواز شریف کی سرجری اگلے ہفتے ہونا طے ہے

Advertisement

شہباز شریف نے فیصلہ کیا کہ قوم میں ان کی موجودگی زیادہ ضروری ہے

شہباز شریف ملک میں کورونا وائرس سے قوم کو بچانے اور دیگر کوششوں میں کردار ادا کریں گے

— Marriyum Aurangzeb (@Marriyum_A) March 21, 2020

مریم اورنگزیب کا کہنا تھا کہ شہباز شریف نے فیصلہ کیا کہ قوم میں ان کی موجودگی زیادہ ضروری ہے، شہباز شریف ملک میں کورونا وائرس سے قوم کو بچانے اور دیگر کوششوں میں کردار ادا کریں گے۔

انہوں نے کہا ہے کہ حمد نواز شریف کی سرجری اگلے ہفتے ہونا طے ہے لیکن شہباز شریف نے فیصلہ کیا کہ قوم میں ان کی موجودگی زیادہ ضروری ہے۔

کورونا وائرس : بلاول بھٹو نے اے پی سی بلانے کا اعلان کردیا

انہوں نے مزید کہا کہ صحت عامہ یقینی بنانے کے لئے ریگولیٹ کرنے والا ادارہ فعال کرنا پڑے گا، عوامی مفاد میں ہے کہ پی ایم ڈی سی فوری بحال ہو۔

ہنگامی صورتحال میں عوام کی جان کے تحفظ کے لئے پی ایم ڈی سی کی بحالی ضروری ہے، سپریم کورٹ پہلے ہی پی ایم ڈی سی کے بارے میں واضح فیصلہ صادر کرچکی ہے اس لئے پی ایم ڈی سی کی بحالی میں کوئی قانونی سقم یا رکاوٹ نہیں ہے۔

دوسری جانبایک بیان میں شہباز شریف نے کہا کہ اسلام آباد میں کورونا وائرس کے بڑھتے خطرات کے پیش نظر لاک ڈاؤن کیا جائے، اس حوالے سے حکومت فی الفور تیاریاں کرے۔

انہوں نے کہاکہ حکومت عوام کے لیے خوراک کی فراہمی و دیگر انتظامات کو فوری طور پر حتمی شکل دے۔

اپوزیشن لیڈر نے مزید کہا کہ کورونا کی خراب ہوتی صورتحال میں عوام کی زندگی مزید خطرے میں نہیں ڈالی جاسکتی۔

ان کا کہنا تھا کہ چین کی طرز پر پاکستان میں لاک ڈاون کرکے کورونا پر قابو پانے کے انتظامات کئے جائیں، اقدامات میں تاخیر کی صورت میں بھیانک انسانی المیہ ناقابل قبول ہوگا۔