پاکستان تحریک انصاف کے مرکزی سیکرٹری اطلاعات کی دفتر خارجہ آمد ہوئی جہاں ان کی وزیرخارجہ شاہ محمود قریشی سے خصوصی ملاقات ہوئی۔
ملاقات میں ملکی سیاسی صورتحال، پارٹی معاملات اور شعبہ اطلاعات کے حوالے سے اہم امور پر تفصیلی تبادلہ خیال کیا گیا جبکہ احمد جواد نے تحریک انصاف کے شعبہ اطلاعات کی مختلف سرگرمیوں پر وزیرخارجہ کو بریفنگ بھی دی ۔
اس موقع پر وزیر خارجہ شا محمود قریشی نے کہا کہ پاکستان تحریک انصاف کے بیانیے کی ترویج میں تحریک انصاف کےبشعبہ اطلاعات کا کردار متاثر کن اور کلیدی حیثیت کا حامل ہے۔
شا محمود قریشی نے یہ بھی کہا کہ تحریک انصاف کے شعبہ اطلاعات سے وابستہ کارکنان کی نصب العین سے وابستگی مثالی ہے اور تحریک انصاف کی حکومت کیخلاف منفی پراپیگنڈے کرنے والووں کےخلاف ہمارے کارکن ڈھال ہیں۔
ترک وزیرخارجہ کی شاہ محمود قریشی سے ملاقات
وزیر خارجہ شا محمود قریشی نے پی ٹی آئی کے مرکزی سیکرٹری اطلاعات سے ملاقات میں مزید کہا کہ مایوسوں اور اندھیروں کے ماحول میں امید کی شمع روشن کرنے والے کارکن اثاثہ ہیں جبکہ قوم جانتی ہے کہ منجدھار میں گھری کشتی کو وزیراعظم عمران خان جیسا دیانتدار اور مخلص قائد ہی پار لگائے گا۔
واضح رہے کہ اس سے قبل وزیرخارجہ مخدوم شاہ محمود قریشی نے ترک صدر کے دورہ پاکستان اور پارلیمنٹ کے مشترکہ اجلاس سے خطاب کے حوالے سے کہا تھا کہ ترک صدر نے اپنے بیان میں واضح پیغام دیا ہے کہ مقبوضہ کشمیر اور ایف اے ٹی ایف کے معاملے پر ترکی پاکستان کے ساتھ کھڑا تھا، کھڑا ہے اور کھڑا رہے گا۔
شاہ محمود قریشی نے کہا تھا کہ ترک صدر کا اپنے خطاب میں کشمیر کے مسئلے کو اپنا اور ترکوں کا مسئلہ کہنا، غیر معمولی ہے ایسا بیان پہلے کسی ترک صدر کی طرف سے سامنے نہیں آیا جبکہ ایک آزاد ریاست، ہماری خارجہ پالیسی کے اہم نکتے کو اپنا نکتہ کہہ رہی ہے اس سے بڑی بات اور کیا ہو سکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News