معاون خصوصی ڈاکٹر فردوس عاشق اعوان نے کہا ہے کہ میڈیا یا کسی بھی فورم پہ عورت کی تضحیک و تذلیل ناقابلِ قبول رویہ ہے۔

تفصیلات کے مطابق وزیراعظم کی معاون خصوصی ڈاکٹر فردوس عاشق اعوان نے سوشل میڈیا پر اپنے ایک پیغام میں عورت مارچ کے حوالے سے بات کرتے ہوئے کہا ہے کہ وجود کی نمائش خود عورت کی توہین ہے۔خاتون کی عزت و وقار اس کی حیا ہے ۔

انہوں نے کہا کہ ٹی وی چینل پر پیش آنے والا واقعہ قابل افسوس ہے، میڈیا کو ایسے حساس معاملات پر زیادہ ذمہ داری کا مظاہرہ کرنا چاہیے ۔

خلیل الرحمن نے ماروی سے معافی مانگنے سے انکار کردیا

انہوں نے اپنے پیغام میں بتایا کہ وزیراعظم عمران خان کی قیادت میں موجودہ حکومت خواتین کے ہرقسم کے استحصال کے خلاف ہے اوران کے آئینی، قانونی،سیاسی، سماجی اور معاشی حقوق کے تحفظ کے لئے پرعزم ہے۔

فردوس عاشق اعوان کا کہنا تھا کہ عورتوں کے حق وراثت سے لے کر زینب الرٹ بل کی منظوری تک کے اقدامات عورتوں کے حقوق کے لئے حکومت کے پختہ عزم اور سوچ کا واضح اظہار ہے۔

ان کا کہنا تھا کہ اِسلامی تاریخ کے یہ روشن کردار ہمارے لئے مشعل ِراہ ہیں، ہر مسلمان عورت کا رول ماڈل حضرت فاطمتہْ الزہراکی سیرت طیبہ اور امہات المومنین جیسی جلیل القدر ہستیاں ہیں اور پہلی مسلمان خاتون حضرت خدیجہ الکبریٰ تجارت پیشہ تھیں ۔

ہر مسلمان عورت کا رول ماڈل حضرت فاطمتہْ الزہراکی سیرت طیبہ اور امہات المومنین جیسی جلیل القدر ہستیاں ہیں ۔ پہلی مسلمان خاتون حضرت خدیجہ الکبریٰ تجارت پیشہ تھیں ۔ اِسلامی تاریخ کے یہ روشن کردار ہمارے لئے مشعل ِراہ ہیں ۔

— Dr. Firdous Ashiq Awan (@Dr_FirdousPTI) March 5, 2020

 

یاد رہے کہ اس سے قبل ڈرامہ نگار خلیل الرحمن قمر اور انسانی حقوق کی کارکن ماروی سرمد کے درمیان لفظوں کی ایک جنگ سوشل میڈیا پر بحث کا باعث بن رہی ہے۔

یہ واقعہ نیو نیوز کے ایک پروگرام پر پیش آیا جس میں عورت مارچ کے حق اور مخالفت میں دلائل دیے جا رہے تھے۔

خواتین کی ریلی 8 مارچ کو ہونے جا رہی ہے لیکن اس سے قبل ہی اسلام آباد میں کچھ افراد نے ایک میورل (دیوار پر بنی تصویر) پر سیاہی مل کر اسے خراب کرنے کی کوشش کی ہے۔

سوشل میڈیا پر کئی صارفین نے خلیل الرحمن قمر کی جانب سے ماروی سرمد کے لیے نفرت انگیز الفاظ کے استعمال پر ایسے رویوں کی مذمت کی ہے جبکہ بعض لوگ چینل کی انتظامیہ اور اینگر پرسن پر ’کچھ نہ کرنے‘ پر تنقید کر رہے ہیں۔