وزیراعلیٰ پنجاب سردار عثمان بزدار نے کہا ہے کہ اقلیتی بھائیوں کے تمام مسئلے حل کریں گے اور تمام اقلیتوں کو ساتھ لے کر ترقی میں برابر کا حصہ دیں گے۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت اقلیتی ارکان اسمبلی کا اجلاس ہوا ، جس میں وزیراعلیٰ عثمان بزدار  نے  اقلیتوں کی فلاح وبہبوداوردیگرمتعلقہ امورطے کرنے کیلئے خصوصی کمیٹی تشکیل دینے کی ہدایت دی ۔

 اپنے بیان میں وزیراعلیٰ پنجاب نے کہا کہ پنجاب میں پہلی بار ہولی اوردیوالی گرانٹ دینے کے ساتھ ساتھ ہندو برادری کو 70لاکھ روپے ہولی گرانٹ دی جارہی ہے۔

Heartiest Congratulations on the colourful event of #Holi to our Hindu community in Pakistan. We are glad that minorities celebrate their events with religious freedom in our country and we pray that this communal harmony continues.

Advertisement

— Usman Buzdar (@UsmanAKBuzdar) March 9, 2020

انہوں نے اپنے ٹویٹر پیغام میں پاکستان کی  ہندو برادری کو ہولی کی مبارک باد  بھی دی ہے۔

 سردار عثمان بزدار نے یہ بھی کہا کہ اقلیتی بھائیوں کیلئے 6کروڑ روپے کے فنڈزمختص کیے گئے ہیں، پنجاب کا مینارٹی ایمپاورمنٹ پیکیج دوسرے صوبوں کیلئے قابل تقلید اقدام ہے۔

عثمان بزدار کا کہنا تھا کہ اقلیتی برادری کے مذہبی مقامات پر ضروری سہولتوں کی فراہمی یقینی بنائیں گے اور گردواروں،مندروں اورگرجا گھروں کی تعمیرو مرمت بھی کی جائے گی۔

اجلاس میں وزیراعلیٰ پنجاب سردار عثمان بزدار کا مزید کہنا تھا کہ بجٹ سے پہلی اقلیتی عوامی نمائندوں سے تجاویز لیکر ترقیاتی منصوبے تشکیل دیں گے۔

خواتین کو بااختیار بنانا حکومت کا مشن ہے ،عثمان بزدار

اجلاس میں صوبائی وزراء سمیع اللہ چوہدری،اعجاز عالم،پارلیمانی سیکرٹری مہندر پال سنگھ،ارکان اسمبلی ہارون عمران گل،پیٹر گل،چیف وہپ عباس علی شاہ اوردیگر متعلقہ حکام  نے  شرکت کی ۔

واضح رہے اس سے قبل وزیراعلیٰ پنجاب عثمان بزدار نے خواتین کے حقوق کے تحفظ کے عالمی دن پر پیغام میں کہا  تھا کہ اللہ تعالیٰ نے ماں ، بیٹی اور بہن جیسے عظیم اور خوبصورت رشتوں کا امین بنا کر عورت کو تقدس و احترام دیا ہے۔

عثمان بزدارنے  یہ بھی کہا تھا کہا کہ صنفی امتیاز کے خاتمے، خواتین کے حقوق کے تحفظ اور سماجی و معاشی خودمختاری کیلئے تاریخ ساز اقدامات کئے ہیں جبکہ پنجاب میں ملازمت پیشہ خواتین کی سہولت کیلئے سرکاری و نجی اداروں میں ڈے کیئر سینٹرز کا قیام عمل لایا گیا ہے۔