وزیرتعلیم سندھ سعیدغنی کی زیرصدارت اسٹیئرنگ کمیٹی کااجلاس ہوا، اجلاس میں وزیرتعلیم سندھ کا کہنا تھا کہ نویں اور دسویں جماعت کے امتحانات 16 مارچ سے منعقد ہوں گے۔

تمام سرکاری اورنجی تعلیمی ادارے 9 مارچ سے کھل جائیں گے البتہ تدرییسی عمل اور بچوں کی تعطیل  13 مارچ تک ہی ہوں گی۔

جس میں تعلیمی کلینڈر اورگذشتہ اجلاس کے منٹس کی منظوری دی گئی جبکہ سندھ میں تعلیمی سال 2020_21 اپریل 11 سے شروع کرنے پر بھی اتفاق ہوا۔

تعلیمی اسٹیئرنگ کمیٹی کے اجلاس میں فیصلہ کیا گیا ہے کہ صوبہ سندھ کے وہ اسکول اپنے دفاتر کھول سکتے ہیں جہاں نویں/دسویں جماعت کے امتحانات ہونے ہیں یاجن اسکولوں نے بچوں کو ایڈمٹ کارڈز تقسیم کرنے ہیں۔ اجلاس میں یہ بھی طے کیا گیا کہ نویں/دسویں جماعت کے امتحانات 16 مارچ سے شروع ہونگے-

Advertisement

— Senator Saeed Ghani (@SaeedGhani1) March 7, 2020

وزیر تعلیم و محنت سندھ سعید غنی کا کہنا ہے کہ اس سال موسم گرما کی تعطیلات 20 مئی 2020 سے 20 جولائی 2020 تک ہوں گی جبکہ آئندہ تعلیمی سال میں تعطیلات یکم جون سے 30 جولائی تک ہوگی۔

ترجمان وزیر تعلیم کے مطابق وزیر تعلیم سندھ سعید غنی کا کہنا تھا کہ آئندہ سال سے صوبے میں تعلیمی سال یکم اپریل سے شروع اور مارچ میں اختتام ہوگا، جبکہ موسم گرما کی چھٹیاں جون اور جولائی میں ہوں گی، رمضان کو جواز بنا کر چھٹیاں اب آگے پیچھے نہیں ہونی چاہیے۔

سعید غنی نے مزید کہا کہ رواں سال تعلیمی سیشن 10 اپریل سے شروع ہوگا اور تعطیلات 20 مئی سے 20 جولائی تک ہوں گی۔

وزیر تعلیم سندھ کے ترجمان کے مطابق سندھ بھر میں میٹرک کے نتائج 30 جون تک کردینے اور کالجز میں تعلیمی سال یکم اگست سے شروع کیا جائے گا جبکہ آغا خان بورڈ بھی اپنے نتائج 3 جون تک مکمل کرے اس حوالے سے بھی وہ اقدامات کریں۔

ترجمان کا کہنا ہے کہ اے اور او لیول کے بچوں کے لیے اگر وہ سوئچ کرتے ہیں تو ان کے لئے کالج کی داخلہ پالیسی میں اوپشن رکھا جائے گا۔

سعید غنی نے ہدایت کی کہ تمام اسکول بورڈ آفس سےایڈمٹ کارڈ وصول کرکے فوری طور پر تقسیم کاآغاز کریں۔