پاکستان عوامی تحریک کے سربراہ ڈاکٹر طاہر القادری نے کہا ہے کہ صورتحال اب جنگ کی طرح ہوگئی ہے، جانوں کو بچانا اولین ترجیح بن جائے تو نماز سمیت دیگر ذمہ داریاں ثانوی ہوجاتی ہیں۔

تفصیلات کے مطابق پاکستان عوامی تحریک کے سربراہ ڈاکٹر طاہر القادری نے کورونا وائرس کی دنیا بھر میں تیزی سے پھیلتی وباء سے متعلق پیغام میں کہا کہ  کورونا وائرس ایک متاثرہ فرد سے دوسرے افراد میں منتقل ہو سکتا ہے۔

پاکستان عوامی تحریک کے سربراہ نے کہا کہ کورنا وائرس پوری دنیا میں پھیل گیا ہے، لوگوں کو نہیں پتا تھا کہ وہ جس سے ملاقات کر رہے ہیں وہ خود وائرس میں مبتلا ہے۔

ڈاکٹر طاہر القادری نے یہ بھی کہا کہ لوگوں کو دور کرنے سے کورنا وائرس کو کنڑول کرنے میں مدد ملتی ہے اس لئے مغربی دنیا میں کورنا کو روکنے کےلئے  مساجد میں جمعہ کے اجتماعات اور اجتماعی نمازیں معطل کردی۔

مساجد میں پانچ وقت نماز ہوگی، مفتی منیب الرحمان

پاکستان عوامی تحریک کے سربراہ کا کہنا تھا کہ رسول اللہ (صلی اللہ علیہ وآلہ وسلم) نے فرمایا ، “اگر آپ کو کسی ملک میں وبائی پھیلنے کی خبر ملی ہے تو اس میں داخل نہ ہوں جبکہ نبی نے یہ بھی فرمایا کہ اگر طاعون کسی جگہ پر پھوٹ پڑے تو آپ اس جگہ کو نہ چھوڑیں۔

ڈاکٹر طاہر القادری کا یہ بھی کہنا تھا کہ حدیث کے مطابق کوئی قرنطینہ میں فوت ہو تو اسے شہداء کی طرح بدلہ دیا جائے گا جبکہ نبی نے حکم دیا ہے کہ وبا جہاں پھیل جائے  شہر کے اندر گھر میں ہی قید رہو۔

پاکستان عوامی تحریک کے سربراہ ڈاکٹر طاہر القادری کا مزید کہنا تھا کہ  نبی (صلی اللہ علیہ وآلہ وسلم) نے ایک اور موقع پر  “جزام” کے مریض سے بات کرتے ہوئے 6 – 8 فٹ کی مسافت طے کرنے کا ارادہ کیا جبکہ تیز بارش کے دوران نبی  (صلی اللہ علیہ وآلہ وسلم) نے موذن کو کہا کہ نماز گھر پر پڑھیں  اور نبی نے غزوہ حنین کے دوران صحابہ کو حکم دیا کہ وہ اپنے خیموں میں نماز جمعہ پڑھائیں کیونکہ بارش کا دن تھا  ۔