وزیراعلیٰ سندھ سید مراد علی شاہ نے کہا ہے کہ لوگ ابھی تک شہر میں گھوم رہے ہیں، لاک ڈاؤن  عوام کے مفاد میں ہے ۔

تفصیلات کے مطابق وزیراعلیٰ سندھ سید مراد علی شاہ کی صدارت میں اجلاس ہوا، اجلاس میں لاک ڈائون کی صورتحال  پر جائزہ لیا گیا۔

اس موقع پر وزیراعلی سندھ نے آئی جی سندھ کو لاک ڈاؤن پر  مزید سخت کرنے کا حکم  دے دیا۔

وزیراعلیٰ سندھ سید مراد علی شاہ کی صدارت میں لاک ڈائون کے حوالے سے اجلاس میں کہا کہ لاک ڈائون کو مزید موئثر کرنا ہے۔

سید مراد علی شاہ  نے کہا کہ ہم نے خوشی سے نہیں بلکہ تکلیف سے مساجد میں جماعت کو بہت محدود کروایا ہے، میں نے خود گھر میں جمعۃ المبارک کی نماز مسجد سے پیش امام کی آنے والی آواز سے ادا کی اور یہ فیصلہ عوا کی صحت کے پیش نظر علماء کی مشاورت سے کیا۔

وزیراعلیٰ سندھ کی زیر صدارت کورونا وائرس کا اجلاس 

وزیر اعلیٰ سندھ نے یہ بھی کہا کہ عوام لو لاک ڈائون اور حکومت کے فیصلوں کا احترام کرنے کی درخواست ہے جبکہ لوگوں کا تعاون عوام کی صحت کا ضامن ہے ۔

سید مراد علی شاہ کا کہنا تھا کہ سندھ میں آج 440 کورونا کیس ہیں، ان 440 کیسز میں 151 سکھر فیز ون، 114 سکھر فیز ٹو اور 7 لاڑکانہ میں رکھے گئے زائرین شامل ہیں۔

وزیر اعلیٰ سندھ سید مراد علی شاہ کا مزید کہنا تھا کہ میں عوام کو ایک مرتبہ ان کے اپنے بچوں، خاندان اور صوبے اور ملک کے عوام کی صحت کی خاطر لاک ڈائون پر عمل کرنے کی درخواست کرتا ہوں۔

اجلاس میں وزیر صحت ڈاکٹر عذرہ پیچوہو، چیف سیکریٹری ممتاز شاہ، ڈی جی رینجرزسندھ میجر جنرل عمر احمد بخاری، آئی جی پولیس مشتاق مہر، سیکریٹری داخلہ عثمان چاچڑ، کور فائیو کے برگیڈیئر سمیع   شریک ہوئے۔