سابق وزیراعظم یوسف رضا گیلانی کا کہنا ہے کہ پیپلز پارٹی کا مطالبہ سیکرٹریٹ نہیں صوبہ ہے۔

ملتان میں میڈیا سے گفتگو کرتے ہوئے انہوں نے کہا کہ پیپلزپارٹی کی ڈیمانڈ سیکریٹریٹ نہیں صوبہ ہے۔

انہوں نے کہا کہ سیکریٹریٹ کے معاملے پر سیاسی جماعتوں کو اعتماد میں لینا چاہیے تھا، پیپلز پارٹی نے بہاولپور جنوبی پنجاب صوبے کا نام تجویز کیا تھا۔

سابق وزیراعظم نے کہا کہ پیپلزپارٹی نے سینیٹ، قومی و صوبائی اسمبلی سے سرائیکی صوبے کی قرارداد منظور کرائی، فرحت اللہ بابر کی سربراہی میں کمیشن نے تمام سیاسی جماعتوں اور سول سوسائٹی سے تجاویز لیں۔

پاکستان پیپلزپارٹی کا دور اب شروع ہونے والا ہے، بلاول بھٹو

ایک سوال کے جواب میں انہوں نے کہا کہ صوبہ محاذ تحریک انصاف میں ضم ہوگیا مگر صوبہ نہ بنا۔ حکومت بلدیاتی الیکشن کرانے میں سنجیدہ نہیں ہے۔ بلدیاتی الیکشن جماعتی بنیادوں پر ہونے چاہئیں۔

سابق وزیر اعظم یوسف رضا گیلانی نے مزید کہا کہ میر شکیل کی گرفتاری میڈیا پر قدغن ہے۔ نیب نے صحافت پر حملہ کیا ہے جو قابل مذمت ہے۔ 15 مارچ کو چیئرمین پیپلزپارٹی بلاول بھٹو کا دورہ ملتان متوقع ہے۔

واضح رہے کہ اس سے قبلمطابق پاکستان پیپلزپارٹی کے چیئرمین بلاول بھٹو زرداری کا کوئٹہ کے شمولیتی جلسے کے شرکاء سے ٹیلیفونک خطاب کیا۔

بلاول بھٹو نے کہا ہے کہ بلوچستان والے بھٹو شہید سے بی بی شہید اور صدر زرداری سے اب تک ہمارا ساتھ دے رہے ہیں، میں بلوچستان تنظیم بالخصوص روزی خان کاکڑ کا شکریہ ادا کرتا ہوں کہ وہ بھٹو ازم کے پیغام کو گھر گھر پھیلارہے ہیں۔

انہوں نے کہا کہ پاکستان پیپلزپارٹی کا دور اب شروع ہونے والا ہے جس کے بعد ہم نے شہید محترمہ بے نظیر بھٹو کے مشن کو مکمل کرنا ہے۔

اپنے خطاب میں انہوں نے کہا کہ عوام کرونا وائرس کی وجہ سے پریشانی سے دوچار ہیں لیکن وفاقی کٹھ پتلی حکومت کو کوئی دلچسپی نہیں کہ وہ عوام کے مسائل حل کرے، وفاقی حکومت کی واحد دلچسپی اپنے کٹھ پتلی راج کو برقرار رکھنا ہے