لاک ڈاؤن : سندھ حکومت کا صحافیوں کے ساتھ ناروا سلوک کا نوٹس

سید قاسم رضا

25th Mar, 2020. 04:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

لاک ڈاؤن : سندھ حکومت کا صحافیوں کے ساتھ ناروا سلوک کا نوٹس
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

لاک ڈاؤن : سندھ حکومت کا صحافیوں کے ساتھ ناروا سلوک کا نوٹس

سندھ حکومت نے لاک ڈاؤن کے دوران صحافیوں کے ساتھ اپنائے جانے والے ناروا سلوک کا نوٹس لے لیا۔

ترجمان سندھ حکومت بیرسٹر مرتضی ٰوہاب نے لاک ڈاؤن کے دوران صحافیوں کے ساتھ اپنائے جانے والے ناروا سلوک کا نوٹس لیتے ہوئے کہا کہ صحافی لاک ڈاؤن کے دوران اپنے فرائض انجام دے سکتے ہیں۔

بیرسٹر مرتضی وہاب نے کہا کہ سندھ حکومت کی جانب سے صحافیوں پر کوئی پابندی عائد نہیں کی گئی۔ پولیس اور قانون نافذ کرنے والے اداروں کے اہلکار میڈیا ورکرز کے ساتھ تعاون کریں۔

دوسری جانب ترجمان سندھ حکومت نے صحافیوں کو بھی احتیاط برتنے کی تلقین کی۔

ان کا کہنا تھا کہ ہم زیادہ سے زیادہ احتیاط کے ذریعے ہی کورونا جیسی خطرناک وباء کا خاتمہ کرسکتے ہیں۔میڈیا ورکرز فرائض کی انجام دہی میں فاصلہ ضرور رکھیں۔

بیرسٹر مرتضی وہاب نے کہا کہ میڈیا ورکرز اپنے ساتھ ادارے کا اور اپنا قومی شناختی کارڈ لازمی رکھیں۔ انشاءاللہ پوری قوم مشترکہ جدوجہد کے ساتھ کورونا کو شکست دے گی ۔

ترجمان سندھ حکومت نے کہا کہ ہماری قوم میں ویلفیئر کا بڑا جذبہ ہے۔ بڑی تعداد میں مخیر حضرات راشن کی تقسیم کے لئے رابطہ کررہے ہیں۔آج راشن کی تقسیم کے لئے منظم نظام بنائیں گے۔