کراچی لاک ڈاؤن، ڈکیتوں نے پولیس کا روپ دھار لیا

سید قاسم رضا

27th Mar, 2020. 06:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی لاک ڈاؤن، ڈکیتوں نے پولیس کا روپ دھار لیا

کراچی میں لاک ڈاؤن کے دوران جہاں شہریوں کے بلا ضرورت گھروں سے نکلنے پر پابندی ہے وہیں ڈکیت باآسانی کارروائی کررہے ہیں۔

تفصیلات کے مطابق ایک جانب کورونا وائرس کے سبب شہر قائد میں لاک ڈاؤن ہےاور شہریوں کو بلا ضرورت گھر سے نکلنے کی اجازت نہیں ہے دوسری جانب ڈکیت پولیس کا روپ دھار کر سرکاری افسران کو بھی لوٹنے لگے ۔

پاکستان اٹامک انرجی کمیشن کے سینئر ایڈمن افسر اسلم شیخ کو ڈکیتوں نے لوٹ لیا۔

اسلم شیخ نے بول نیوز سے گفتگو کرتے ہوئے بتایا کہ وہ ایک سپر اسٹور سے خریداری کرکے گھر جار ہے تھے کہ گاڑی میں سوار دو ڈکیتوں نے مجھے خود کو پولیس اہلکار بتاکر گاڑی کے پاس بلایا، جیسے ہی قریب گیا ڈکیتوں نے لوٹ لیا۔

انہوں نے مزید بتایا کہ ڈکیت ان سے 85ہزار روپے سے زائد کیش چھین کر لےگئے۔ڈکیت گاڑی نمبر اے ایل 4171 میں سوار تھے ۔

اسلم شیخ کا کہنا تھا کہ اس وقت میری پوسٹنگ جناح اسپتال کے اندر پاکستان اٹامک انرجی کے میڈیکل سنٹر میں ہے۔