امیر جماعت اسلامی سینیٹر سراج الحق  نے کہا ہے کہ اس وقت عالم اسلام کی کیفیت یہ ہے کہ پوری امت مشکل سے دوچار ہے۔

تفصیلات کے مطابق امیر جماعت اسلامی سینیٹر سراج الحق  نے  پی سی ہوٹل میں تقریب سے خطاب کرتے ہوئے کہا کہ جماعت اسلامی ایک نظریہ ہے اس کو ختم نہیں کیا جاسکتا، ملک میں اور بین الااقوامی سطح پر خواتین کے حقوق کے کئے کاوشیں کی جا رہی ہیں۔

امیر جماعت اسلامی سینیٹر نے کہا کہ فلسطین کی مائیں بیٹیاں ایک مشکل سے گزر رہی ہیں، انکے بچے شہید ہورے ہیں وہ بھائیو ں کے لاشے اٹھا کر بھی مایوس نہیں ہوئی اور آنکی جدوجہد نے عالم اسلام کو ایک حوصلہ دیا ہے۔

 سراج الحق نے یہ بھی کہا کہ فلسطینی بیٹیاں حوصلے سے مقابلہ کر رہی ہیں، انکی جدوجہد نے یہودی سازشوں کو بے نقاب کیا ہے جبکہ کشمیری خواتین کی اجتماعی عصمت دری ہو رہی ہے، پوری کشمیری قیادت پابند سلاسل ہے، ان ماوں بیٹیوں کے لئے سلام کا تحفہ ہے جنہوں نے انڈین ارمی کو بے بس کیا۔

حکمرانوں کو ہوشیار اور محتاط رہنا ہوگا، سراج الحق

   امیر جماعت اسلامی سینیٹر کا کہنا تھا کہ کشمیری خواتین کو سلام کرتے ہیں،کشمیری قوم آج اگر ناقابل تسخیر قوت ہے تواس میں کشمیری ماوں بہنوں کا کردار ہے جبکہ افغان خواتین کو  بھی سلام پیش کرتے ہیں جنہوں نے دنیا کی سب سے بڑی طاقت امریکہ کو شکست سے دوچار کیا۔

سراج الحق کا یہ بھی کہنا تھا کہ افغانستان کی گلیاں امریکیوں کا قبرستان بن گئے، انشا اللہ بھارتی فوج بھی سرینگر کی گلیوں میں ناکام ہوگی، مسلمانوں کی فتح کا وعدہ اللہ کا ہے۔

اپنے بیان میں امیر جماعت اسلامی سینیٹر سراج الحق نے افغان امن معاہدہ کا خیر مقدم کرتے ہوئے مزید کہا کہ مذاکرات اور بات چیت سے ہی تمام مسائل کا حل ممکن ہے۔