صوبہ سندھ، پنجاب اور کے پی کے میں کورونا وائرس کے مزید 58  کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1055 ہوگئی ہے ۔

تفصیلات کے مطابق آج  صوبہ سندھ، پنجاب اور کے پی کے میں کورونا وائرس کے مزید 58 کیسز سامنے آچکے ہیں جن میں سے 16 مریض پنجاب ،3 سندھ جبکہ خیبر پختونخوا میں 39 مریض سامنے آئے ہیں۔

ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 3  کیسز سامنے آئے ہیں جس کے بعد صوبے میں کل کیسز کی تعداد 413 تک پہنچ چکی ہے۔

ترجمان محکمہ صحت سندھ نے کہا کہ آج کراچی میں کورونا وائرس کےمزید 3 مریض سامنےآ گئے جس کے بعد کراچی سے رپورٹ ہونے والے مریضوں کی مجموعی تعداد 147  ہو گئی ہے جبکہ سکھر میں کل متاثرہ افراد کی تعداد 265 تک جاپہنچی ہے۔

سندھ، پنجاب اور کے پی کے میں مزید 88 افراد میں کورونا وائرس کی تصدیق

ترجمان محکمہ صحت نے مزید کہا کہ سندھ میں 14  مریض صحت یاب ہوئے ہیں اور  ایک مریض کا انتقال ہوچکا ہے جبکہ کراچی میں ایک سو 33 مریض زیر علاج ہیں۔

دوسری جانب ترجمان پرائمری اینڈ سکینڈری ہیلتھ کئیر نے بھی اپنے ایک بیان میں کہا کہ پنجاب میں کوروناوائرس کے مزید 16 کیسز سامنے آگئے جس کے بعد صوبے میں کوروناوائرس سے متاثرہ افرادکی تعداد 312 تک پہنچ گئی ، اعداد وشمار کے مطابق   176 زائرین، 77 لاہور، گجرات 21، گوجرانوالہ 8،جہلم 19 اور راولپنڈی میں 2 مریضوں ، ملتان میں 3، فیصل آباد 2، منڈی بہاوالدین 1، ناروال 1، رحیم یار خان 1 اور سرگودھا میں 1 مریض میں کرونا وائرس کی تصدیق ہوئی ہے۔

ترجمان پرائمری اینڈ سکینڈری ہیلتھ کئیر نے کہا کہ تمام کنفرممریضوں کو دیگر افراد سے الگ آئسولیشن وارڈز میں رکھا گیا ہے اور طبیعت خراب ہونے پر مریضوں کو آئسولیشن وارڈز سے ہسپتال کے ایچ ڈی یو میں شفٹ کیا جاتا ہے جبکہ مریضوں کو مکمل طبی سہولیات فراہم کی جا رہی ہے۔

ترجمان ہیلتھ کئیر نے یہ بھی کہا کہ عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور گزشتہ 14 روز میں متاثرہ ممالک سے آئے افراد گھر میں آئسولیشن اختیار کریں۔

ترجمان پرائمری اینڈ سکینڈری ہیلتھ کئیر نے مزید کہا کہ متاثرہ ممالک سے آئے افراد میں آئسولیشن کے دوران علامات ظاہر ہوں تو 1033 پر رابطہ کریں، محکمہ صحت کی ریپڈ رسپانس ٹیمیں مشتبہ مریض کو ہسپتال منتقل کر کے ٹیسٹ کروایں گی۔

دریں اثناء آج خیبر پختونخوا میں کرونا وائرس کے مزید 39 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 117 ہوگئی ہے۔