خواتین کے عالمی دن کے موقع پر بھارتی فوج کی درندگی عروج پر

اریبہ نثار

08th Mar, 2020. 07:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خواتین کے عالمی دن کے موقع پر بھارتی فوج کی درندگی عروج پر

بھارتی فوج نے خواتین کے عالمی دن کے موقع پر خواتین پر تشدد شروع کر دیا۔

تفصیلات کے مطابق خواتین کے عالمی دن کے موقع پر بھارتی فوج نے مقبوضہ کشمیر میں ظلم و جبر شروع کر دیا ہے۔

خواتین پر کیے جانے والے ظلم وجبر کے حوالے سے دفترِ خارجہ کا کہنا ہے کہ 1989ء سے اب تک مقبوضہ وادی میں قابض بھارتی فوج نے ہزاروں کشمیری خواتین کو شہید کیا ہے۔

دفترِ خارجہ نے خواتین پر ہونے والے ظلم پر بات کرتے ہوئے ایک بیان میں اُن تمام ترخواتین کو سلام پیش کیا جو بھارتی مظالم کے باوجود حوصلہ نہ ہاری اور ہمت سے جہدوجہد کرتی رہیں۔

دفترِ خارجہ کے مطابق بھارتی فوج کے ہاتھوں شہید ہونے والے 95 ہزار کشمیریوں میں ہزاروں خواتین بھی شامل ہیں۔

یاد رہے کہ 2001ء سے اب تک 671 کشمیری خواتین کو شہید کیا گیا۔

دفترِ خارجہ نے مزید بتایا ہے کہ بھارتی فوج کی پیلٹ گنوں کی فائرنگ کے نتیجے میں سیکڑوں اسکو ل کی بچیاں زخمی اور متعدد بینائی سے محروم ہو چکی ہیں۔

واضح رہے کہ دفترِ خارجہ کے مطابق بھارتی فوج کے مظالم میں 22 ہزار سے زائد خواتین بیوہ ہوئیں، 11 ہزار 179 خواتین کی عصمت دری کی گئی، بڑی تعداد میں کشمیری خواتین کے شوہر لاپتہ ہیں۔